کورتھێنان دێ خوە ل 40 ترلیۆن دیناران دەت
ئه‌ڤرۆ
ئەندامەکێ لیژنا دارایی ل جڤاتا نوونەرێن عێراقی بۆ ئەڤرۆ دیارکرکو رێژا 45% کورتھێنان دێ د بودجا عێراقی دا دروست بیت و پارێ مووچان و ئاھێن خۆارنی و دەرمان ھێتە تەرخانکرن دێ وەکو خوە مینت چوو دەستکاری تێدا ناھێنە کرن چوو لایەنێن سیاسی ژێ ھەتا نوکە نەگوتینە بلا مۆچی فەرمانبەران یان پارەیێ ئاھێن خوارنی یان دەرمانان بھێتە کێمکرن.
حاکم سەرحان سلێڤانەی ئەندامێ لیژنا دارایی ل جڤاتا نوونەرێن عێراقی گۆتژی: چوو راستی بۆ وان گوتگوتکان نینن یێن د بێژن دێ ئەڤ سالە ژبەر قەیرانا دارایی و نزمبوونا بھایێ پترۆلێ مۆچی فەرمانبەران ھێتە کێمکرن ب چوو رەنگەکێ مۆچی فەرمانبەران ناھێتە کێمکرن و چوو بریارێن کێمکرنا مووچان ژێ ناھێنە بجە ئینان ب تنی لیژنا دارایی ل پەرلەمانێ کار دکەت پارەیێ زێدە ئەوێ ھندەک وەزارەت د مەزیخن نەھێلین یان کێم ب کەین ھەتا نوکە ب تنی د بیاڤێ بازرگانیێ و حەشد شەعبی دا ھزر ھاتیە کرن پارەیێ زێدە ب وان نەھێتە دان.
ناڤبری ئەوژی خۆیا کرکو بھایێ ئێک بەرمیلێ پترۆلێ ل سەر 60% دۆلاران ھاتیە خەملاندن نوکە بەردەوام نەفت ئەرزان دبیت ھەکەر ب ڤێ دەستورداری بیت دێ رێژا ٤٥% کورتھێنان د بودجەیا عێراقی دا دروست بیت ئەم ب ھەموو شێوەیان یێ ھەولدەین کورتھێنان بھێتە کیمکرن داکو عیراق تووشی قەیرانێن مەزن یێن دارایی نەبیت.
حاکم سەرحان سلێڤانەی ئاماژە دا وی چەندێ ژبەر نزمبوونا بھایێ پترۆلێ دێ قەیران دروست بن ھەکەر نوکە ریێن پێگوھر نەھێنە دیتن و ئەو پارەیێ زێدە یێ د ھێتە مەزاختن نەھێتە کێمکرن و پێدڤیە ھەموو مەزاختی بھێنە کێمکرن دا پیچەکێ کونترۆل ل سەر قەیرانا دارایێ بھێتە کرن کو نوکە پرۆژێ بودجا سالا 2015ێ دا پێشنیازا ٥٥ ھزار فەرمانبەران ل عیراقێ بھێنە دامەزراندن ھەکەر پارە نەبیت دێ حوکمەت چەوا شێت ڤێ رێژا فەرمانبەران ب دامەزرینت.
نەجیبا نەجیب ئەنداما لیژنا دارایی ل جڤاتا نوونەرێن عێراقی بۆ ئەڤرۆ دیارکرکو 40 تریلیۆن و 462 ملیار دینار بۆ مۆچەیێن فەرمانبەران ھاتینە تەرخانکرن و حکومەت نەشیت مووچان کێم بکەت و 39 تریلیۆن ژێ بۆ مەزاختیان ھاتینە تەرخانکرن ب تنی حکومەتا عیراقی دشیت خوە ژ کورتھێنانێ قورتال بکەت ب رێیا نەدانا قەرێن کۆمپانیان ئەوژی رێژا 100% ژ کورتھێنانی قورتال نابیت کو د بودجێ دا 35 تریلیۆن دیناران بۆ دانا قەرزێن کۆمپانیان ھاتینە تەرخانکرن حکومەت دشێت ئەڤ سالە قەرزێن کۆمپانیان نەدەت و دیتنەک ژی یا ھەی مەزاختی ب رێژا 10% ھەتا 20% بھێنە کێمکرن داکو حکومەت خوە ژ کورتھێنانێ قورتال بکەت چونکو رۆژانە بھایێ پترۆلێ یێ د ھێتە خاری.
