کوردان چو بەربژار بۆ پۆستێ پارێزگارێ نەینەوا نابن
ئه‌ڤرۆ نيوز:
سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا بۆ ئەڤرۆ دیارکرکو کوردان بەربَژار بۆ پۆستێ پارێزگارێ نەینەوا نابیت و ئەڤرۆ ١/٧/٢٠١٥ دێ دادگەھا ئیداری ل بەغدا بریارێ ل سەر مان و نەمانا ئەسیل نوجێفی پارێزگارێ نەینەوا دەت پشتی ژلایێ جڤاتا نوونەران ڤە ھاتیە لادان ژ پۆستێ وی و ھەکە دادگەھێ بریارا لادانێ پەسەندکر، پیدڤیە د دەمێ ١٥ رۆژاندا جڤاتا پاریزگەھێ کەسەکێ دی دەستنێشان بکەت کو ئەوژی دێ کەسەکێ عەرەب بیت.
سەیدو چەتو سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا بۆ ئەڤرۆ گوت”دەمێ پۆست ھاتینە بەلاڤکرن، پۆستی سەرۆکێ جڤاتا پارێزگەھا نەینەوا بۆ کوردان کەڤت ویێ پاریزگاری بۆ عەرەبان کەڤت و بۆ بەھرا لیستا (نەھزە) ھەتا نوکە چوو کەسان خوە بەربژار نەکریە بۆ پۆستێ پاریزگارێ نەینەوا، چونکو ھێشتا دادگەھا ئێداری ل بەغدا بریار نەدایە کا ئەسیل نوجێفی بھێتە لادان، یان ل سەر کاری خوە بمینیت و ئەڤرۆ دێ دادگەە بریارا خوە دەت و ھەکە ئەسیل نوجیفی نەمینیت، دێ پشتی بریارا دادگەھی جڤات دەست ب کومبوونان کەت و پێدڤیە د دەمێ ١٥ رۆژاندا کەسەکێ دەست نێشان بکەت ببیتە پارێزگار”.
سەیدوی گوت ژی” کوردان چو بەربژار بۆ پۆستێ پارێزگارێ نەینەوا نابن، چونکی ئەو پۆستە بەھرا عەرەبانە، ھەتا نوکە ژی ب فەرمێ چو بەربژار دیارنەبووینە بۆ پۆستێ پارێزگارێ نەینەوا، لێ ئەم رازی نابین کەسەک بیێ جڤات بھێتە دانان و کەسێ بۆ پوستی پاریزگاری دھێتە دانان ژی پێدڤیە یێ نێزیکێ کوردان بیت، چونکی پاریزگەھا نەینەوا یا پێکھاتیە ژ چەندین ئایین و نەتەوان وھەتا نوکە ١٢ یەکێن ئێداری یێن ب سەر پارێزگەھا نەینەوا ڤە د ئازادکرینە ودبن کونترۆلا ھێزێن پێشمەرگێ کوردستانێ دا و ئەم رازی نابین کەسەکێ دووری کوردان بھێتە دانان بۆ پوستی پارێزگاری”.
خویاکر” پەرلەمانێ عیراقێ بێی وەرگرتنا بوچونا جڤاتا پارێزگەھا نەینەوا، ئەسیل نوجێفی ژ پۆستێ پارێزگاریێ لادابوو و ئەندامێن جڤاتا پارێزگەھێ ئیمزایێن نەرازیبوونێ ل سەر ڤێ چەندێ بۆ جڤاتا وەزیران بلندکربوون، لێ بەرسڤ ل سەر وان ئیمزایان نەھاتبوو دان”.
ناڤبری خۆیا ژێ کرکو دەمێ بریارا لادانا ئەسیا نوجیفی ھاتە دان ژلایێ پەرلەمانێ ڤە ئەندامێن جڤاتا پاریزگەھا مووسل دەست ب خرڤەکرنا ئێمزایێن نەرازیبوونی کر وھەموو ئێمزا ھاتنە بلندکرن بۆ ئەنجومەنی وەزیران و پەرلەمانێ لێ چوو بەرسڤ ل سەر ئێمزایێن مە نەھاتیە دانە ھەتا نوکە ژێ وپێدڤیە بوو بیی بووجوونا جڤاتا پارێزگەھی ئەسیل نوجیفی نەھێتە دان لێ پەرلەمانێ لادا ئەم دێ چاڤەری بریارا دادگەھا ئێداری ل بەغدا کەن ھەتا ڤێ چوار شەمبیی دێ دیاربیت کا دێ پاریزگاری مووسل مینت یان ژێ دێ دادگەە بریارا لادانا ئەسیل نوجیفی دەت.
