کوردەکى پێنج ریکورد د پەرتۆکا گینس دا تۆمارکرن
ئەڤرۆ نیوز ، زنار تۆڤی:
وەرزشڤانێ کورد و کورێ باژێرێ دهۆکێ جەرگیس رەشید شیا (سێ) ریکۆردێن نوو بشکێنیت ل وەلاتێ قەتەر، كو ئەڤە دبيته مه زنترين دەسكەفت ل سەر ئاستێ ريكوردێن جيهانى ب شناوان و ناڤێ وی دچیتە د پەرتۆکا گينيس دا.
وی وەرزشڤانێ کورد بۆ ئەڤرۆ نیوز دیار کر: ل وەلاتێ قەتەر ئەو شیا سێ ریکۆردێن نوو د پەرتۆکا گینیس دا تۆمار بکەت، ئەو ژی سێ جورێت شناوان بوون، کو هەموو کێشێن گران ل سەر پشتا وی بوون وەکو، ٣٠ کیلۆ، هەروەسا ٢٠ کیلۆ، کو ئەو دبیتە ئێکەمین کەس ل سەر ئاستێ جیهانێ ئەڤان ریکوردان ب شناوان تۆمار بکەت، هەتانوکە چو کەسان ئەڤ جۆرە ریکوردە تۆمارنەکرینە د پەرتۆکا گینیس دا، ئەو دبیتە هاتریک ریکوردێ شناوان د پەرتۆکا گینیس دا.
ناڤهاتی گۆت ژی: وی شناوا ل سەر پێیەکی و ٣٠ کیلۆ ل سەر پشتا وی ( ٤٨ ) ژ ماوێ ئێک خۆلەکێ، دیسان
شناوا ل سەر پێیەکی و ٢٠ کیلۆ ل سەر پشتا وی ( ٦١ ) ژ ماوێ ئێک خۆلەکێ، هەروەسا شناوا ل سەر تبلان و ٢٠ کیلۆ ل سەر پشتا وی ( ٤٧ ) ژ ماوێ ئێک خولەکێ دا ، کو ئەڤ ریکوردە بۆ ماوەکێ کیم هاتینە ئەنجام دان، هەروەسا وی ل سالا ٢٠١٧ ژی ئەو شیا بوو ل وەلاتێ دوبەی دو ریکوردان تۆمار بکەت ، کو نوکە ژی دبیتە ریکوردێ پێنجێ ل سەر ناڤێ وی.
