کورد دێ ب ڤی مەرجی دەنگی ب کابینا نوو یا عەبادی دەن
ئەڤرۆ نیوز:
ئەندامەکێ جڤاتا نوونەرێن عیراقێ بۆ ئەڤرۆ دیار کر کو عەبادی یێ کار دکەت دگەل ھەموو لایەنێن سیاسی بۆ پێکئینانا حوکمەتەکا نوو، لێ ھێشتا پرۆژی خوە نوو ئاشکرا نەکریە و گۆت “ھەکە عەبادی د پێکئینانا حوکمەتا نوو یا عیراقێ دا پۆستەکێ سیادی نەدەتە پارتی ئەم ئەندامێن فراکسیۆنا پارتی دەنگی ل سەر پرۆژێ وی نادەین”.
حاکم سرحان سلێڤانەی ئەندامێ جڤاتا نوونەرێن عیراقێ دیار کر چاڤەرێی عەبادی دکەن کو پرۆژی خوەیێ نوو بۆ پێکئینانا حوکمەتێ رەوانەی جڤاتا نوونەران بکەت بۆ ھندی دەنگدان ل سەر بھێتە کرن و گۆت “ھەکە چ پۆستێن سیادی نەدەنە پارتی دیمۆکراتی کوردستان ئەم دەنگی ل سەر پرۆژێ عەبادی نادەین”.
حاکم سرحان سلێڤانەی گۆت ژی “حوکمەتا نوکە یا عەبادی ب تنێ غەدر ل پارتی ھاتیە کرن، چونکی چ پۆستێن سیادی د دەستێن پارتی دا نینن، لەورا ئەم دێ فشاری ئیخینە سەر عەبادی پۆستەکێ سیادی بدەتە پارتی دیموکراتی کوردستان بدەت ئەم ناھێلن پرۆ ژی پیک ئینانا حوکمەتا نوو”.
