کورد دێ دوڤچوونێ ل سەر کێم ھاتنا پاران کەن
ئەندامەکا لژنا دارایی ل پەرلەمانێ عیراقێ دیارکر کو وەک ئەندام پەرلەمانێن کورد ل بەغدا دێ دوڤچوونێ ل سەر کێم ھاتنا رێژا پاران یا ھەیڤا نیسانێ ژبەغدا بۆ کوردستانێ کەن، ل سەر ڤێ چەندێ بێ دەنگ نامینن.
نەجیبا نەجیب ئەنداما کورد ل پەرلەمانێ عیراقێ بۆ مالپەرێ ئەڤرۆ نیۆز گۆت: مە ھزر نەدکر ئەڤ کوژمە دێ ھێتە ھنارتن، پێشبینی بەر ب ھندێ دچوون کو دێ پتر پارە ژ بەغدا ھێتە ھنارتن چونکە پەترۆلا ھەرێما کوردستانێ زێدەبوویە.
نەجیبایێ بێ ئاگەھیا خوە دیارکر کو ھایدارنینە کا بتنێ ئەڤ پارەیە یان دێ وەجبەکا دی ژی ھەبیت و ھێتە سەر حسابا ھەرێمێ، گۆت: ھەتا نوکە عیراق یا پیشلکاریا بەرامبەر دەستوری دکەت و دڤێت ١٧% ھنارت با، ئەگەر کوردان ئەو پەترۆلا ھەیڤا نیسانێ ھنارتی ب رێکا بەغدا ئەوان ب خوە فرۆت با پتر دکەت.
نەجیبابێ ئاشکراکر ژی کو کوردستانێ ئەڤێ ھەیڤێ پتر ژ ١٣ ملیۆن بەرمیلێن ب رێکا کومپانیا سومو ھنارتینە و بەرمیل ب ٥١ ھەتا ٥٢ دۆلاران ھاتیە فرۆتن.
