کورد دێ ل دژی ئیرانێ خوەنیشادان بکەن
ئەڤرۆ نيوز:
پشتی سێدارەدانا گەلەک گەنجێن کورد ل ئیرانی چالاکڤانێن رۆژھەلاتێ کوردستانێ ل ئورۆپا و ئەمریکا خوە بەرھەڤ دکەن کو دەست ب خوەنیشادانان بکەن و دەنگێ خوە بگەھیننە وەلاتێن جیھانێ و رێکخراوێن مافێ مرۆڤی دا کو ئەو ل ھەمبەر رەوشا نھا ل ئیرانێ بێدەنگ نەمینن.
سالح ئەمجەدی چالاکڤانێ مافێ مرۆڤی ل وەلاتێ نەرویج دیار دکەت کو براستی ژی ڤێ دووماھیێ رژێما ئیرانێ رۆژانە ب دەھان چالاکڤانێن کورد سێدارە داینە و مەترسیا سێدارەدانا گەلەک کەسێن دی ژی ھەیە و ژ بەر ھندێ ژی مە وەک گەنجێن کوردێن ل ئورۆپا بەرھەڤی کرینە دا کو خوەنیشدانەکا مەزن ساز بکەین و دەنگێ خوە بگەھیننە ھەموو وەلاتێن جیھانێ دا ل ھەمبەر سێدارەدانا کوردان ل ئیرانێ بێدەنگ نەمینن.
ل ئالیێ دی گەلەک رۆژنامەڤان و نڤیسەرێن کورد ل ئورۆپا و ئەمریکا ب رێیا بەرپرێن جڤاکی یێن وەکو فەیسبووک و تویتەر بەرھەڤیا خوە دیار کرینە کو دێ پشکداریێ د خوەنیشادانان دا بکەن دا دەنگێ خوە بگەھیننە جیھانێ، چونکو براستی ژی ئەوا نھا ل ئیرانێ روو ددەت بنپێ کرنا مافێ مرۆڤی یە و مخابن یێن رۆژانە بەحسێ مافێ مرۆڤی و دیموکراسیێ دکەن ل ھەمبەر کریارێن ئیرانێ بێدەنگن.
