کورد دێ ھەیکەلێ دەولەتا عیراقێ ڕاگرن
ئەڤرۆ نيوز، رەمەزان ھەرنی:
چاڤدێرەکا سیاسی ل ھەرێما کوردستانێ دیارکر، چۆ جارا ھەلبژارتن شەرەکێ گران نینە، بەلێ شەرێ پشتی ھەلبژارتنا و شەرێ پێکئینانا حکومەتێ شەرەکێ مەزن و دەمدرێژە ژ بەر کو عیراق یا لبن فشارێن ئەمریکا و ئیرانی ھەردوو لا یێ بزاڤێ دکەن ھەژمونا خوە بجهـ بکەن ل عیراقێ پێشبینی دھێتە کرن پێکئینانا حوکمەتا نوو یا عیراقێ ڤەکێشیت بۆ چەند ھەیڤێن دی ژ بەر کو رێکنەکەفتنا لایەنێن سیاسی تایبەت شیعە و سونەیان، کاریگەریا ئیرانێ عیراق بەرەڤ ئاقارەکێ خراب بریە ھەمو ئەمریکا و ئوروپا ژی بزاڤا دکە بۆ وێ چەندێ کاریگەریا ئیرانە نەمینیت لسەر پێکئینانا حوکمەتا نوو یا عیراقێ ، ئیرانێ دڤێت عیراق ب ڤی رەنگی بمینیت مافێن کوردان دخواری بن ل عیراقێ ژ بەر کو عیراق ب تنێ ب ناڤ وەک دەولەت مایە و ھەژاری و بێکاری ل بلند ئاستە و ئێکە ژ وەلاتێن پتر گەندەلی و نەدروستی عیراقێ چۆ پێڤەرەکێ دەولەتبۆنێ تێدا نەمایە.
کوێستان لەتیف چاڤدێرا سیاسی ل ھەرێما کوردستانێ بۆ روژناما ئەڤرۆ گوت: پێکئینانا حوکمەتا نوو یا عیراقێ چۆ جوداھیەک ل گەل حوکمەتێن دن یێن بۆری نابیت ل عیراقێ ئاریشا کوردان ل گەل بەغدا و کار ب دەستێن وێ ئاریشا ئەقلیەتێ یە نەک چۆ تشتێ دی، پێشبینی دھێتە کرن فشارێن نێڤدەولەتی بکەڤن سەر عیراقێ بۆ وێ چەندێ پەیوەندیێن خوە ل گەل کوردستانێ دروست بکەتە ڤە و بەر ب ئاقارەکێ باشتر ببەت، ژ بەر کو کورد بۆنە ئەگەر ھەیکەلێ دەولەتا عیراقێ رابگریت ل ڤان قوناغا دا بەلێ مخابن حوکمەتا عیراقێ ئەڤێ نزانن ژ بەر کو یێ لبن فشارێن کومارا ئیسلامیا ئیرانێ دا ب پێکئینانا حوکمەتا نوو یا عیراقێ چۆ گورانکاریێن وەسا دروست نابن ب تنێ ب فشارا نێڤدەولەتی دێ پەیوەندی و ئالوزی بەرەڤ رەوشەکا دیچین بەلێ ل ئاستێ پێدڤیا کوردان نابن .
کوێستان گوتژی : مەزنترین خال کو ڤێ جارێ کورد ل بەغدا بجە بکەن ئێکرێزی و ئێکگرتی بەرامبەر مافێن کوردا ب گشتی ئەگەر کورد ھەڤپەیمانەکێ ل بەغدا دروست بکەن وئێک دەنگ بن مەزنترین دەسکەفتە دێ شێت فشارێ لسەر حکومەتێ دروست کەت بۆ ب دەستڤەئینانا مافێن کوردا ،ھندەک لایەنێن سیاسی ل کوردستانێ ھەوارا ئێکرێزیێ دکەن ل بەغدا ھندەک لایەن ھەوارا بایکوتێ دکەن ل بەغدا ،عیراقێ ژی ھەر جار مفا ل ڤێ خالا لاواز دیتیە دناڤ کوردان دا کو ئێکگرتی نەبۆینە ،ژبەرکو ئاریشا کوردا ل گەل عیراقێ ئاریشا مافێن دەستوریە نەک چۆ تشتێ دێ ئەگەر حکومەت مافێن کوردا بجە بکەت کوردا ئاریشە ل گەل چۆ تشتا نینە عیراق چەوا خوە ب رێڤە دبەت نابیتە ئاریشە.
چاڤدێرا سیاسی کوێستان خویاکر : ھەردەما کورد ل ناڤ خوە دا ئێکگرتی بۆن شیان ھەنە جارەکادی ئەنجامێن رێفراندومێ بێخیت سەر مێزا گفتوگویێ ل گەل عیراقێ و وەلاتێن زلھێز ل جیھانێ بەلی َمخابن ژبەر ئێکنەگرتنا کوردا جارێ چۆ دەلیڤەک نیە مەزنترین دەسکەفتا ڤی سەدەی ئەنجامدانا ھەلبژاردنێن رێفراندومێ بۆن نەک ژبۆ جودانێ ل عیراقێ بەلکو بۆ سەر خوبۆنێ ئاڤاکرنا دەولەتا کوردستانێ ،مەزنترین دەسکەفتا مێژویی یە بۆ کوردستانێ ئەنجامێن رێفراندومێ نە کو ل دەمێن تەنگاڤ دا ب کاربینین .
کوێستان لەتیف گوت : ئەو لایەنێن سیاسی یێن کورد ئەوێن دبێژن دێ بایکوتا حکومەتا عیراقێ کەین ھژمارا کورسیێن وان ھند نینە ھەتا کاریگەری ھەبیت لسەر پروسێسا عیراقێ بەلێ دەما ھزر د بەرژەوەندیا گشتی دا نەھێتە کرن ھەمو کار ب ساناھی دکەڤن نەچارن دووماھیێ ببن پاشگرێن لیست و لاییەنێن عیراقێ ب پشت راسی ڤە پشتەڤانیا مافێن رەوایێن گەلێ کورد ناکەن ئەقلیەتا عەرەبا نەگەھشتیە وی ئاستێ کو دانێ ب مافێن کوردا بنێت کو ھەڤپشکا وێیە ل برێڤەبرنا وەلاتی.
