کچێن دھۆکێ بوونە قارەمانێن کوردستانێ
ئەڤرۆ نیوز، ھەژار مەعروف:
فوتو، قەیس وەیسی:
ھەلبژارتیێ پەروەردەیا دھۆک ل سەر ئاستێ کچان ب یاریا شەترەنجێ شیان رێزا ئێکێ د قارەمانیا ھەلبژارتیێن پەروەردەیێن ھەرێمێ ب دەستخوڤە بینت پشتی د ھەر پێنج یاریێن خوە دا شيان سەرکەفتنێ توماربکەن و ھەشت خال کومکرین.
فەرزاد محەمەد سەروک شاندێ ھەلبژارتیێ پەروەردەیا کوردستانێ بۆ ئەڤرۆ نیوز دیارکر ب پشکداریا شەش ھەلبژارتیان ل سەر ئاستێ ھەرێما کوردستانێ ھەڤرکیێن ڤێ قارەمانیێ ھاتنەکرن ل سەر ئاستێ کچان ھەلبژارتیێ دھۆکێ شیا رێزاَ ئێکێ ب دەستخوڤە بینت و ھەولێر رێزا دوێ بھێت و ل سەر ئاستێ کوران ئەنجامێن ھەلبژارتیێ پەروەردەیا دھۆک نە ل ئاستێ پێدڤی بوون و ھەڤرکیێن ڤێ قارەمانیێ ل ھولا گرتیا یانا خانزات ل باژێرێ سلێمانیێ دھاتنەکرن.
ھەردیسان ناڤبری دیارکر ئەو کچێن ل گەل ھەلبژارتیێ پەروەردەیا دھۆکێ پشکداری کری ئەوژی ڤین کەمال و دلین کەمال، وارڤین جەعفەر، ئالا ئەمجەد شیان د ھەمی یاریێن خوە دا ژ قارەمانیێ سەرکەفتنێ توماربکەن و ھەر ئێک ژ ڤین کەمال وەکو قارەمانا مێزا ئێکێ ب دەستخوڤە ئینا و خوشکا وێ دلین کەمال رێزا دوێ ھەردیسان وارڤین بۆ خودانا رێزا مێزا سێ د قارەمانیێ دا
