کچەکا دھۆکێ باوەرناما فرۆکەڤانی وەرگرت
ئەڤرۆ:
پارێزگەرێ دھۆکێ فەرھاد ئەترووشی دوھی ١٨-٢-٢٠١٥ پێشوازیا کچا پارێزگەھا دھۆکێ رێژین محەمەد حسێن دۆسکی فرۆکەڤانا مەدەنی کر، د ھەڤدیتنەکێ دا پارێزگەری دەستخۆشی لێ کر کو شیایە باوەرناما فرۆکەڤانی ب دەست خوە ڤە بینیت و خزمەتا وەلاتێ خوە بکەت و خواست ژی نموونێن وەکو وێ ل ھەرێما کوردستانێ پتر ھەبن.
ب ڤێ ھەلکەفتێ رێژین محەمەد سوپاسیا پارێزگەرێ دھۆکێ کر کو پێشوازیا وێ کری، ھەروەسا سوپاسیا سەرۆکێ حوکمەتا ھەرێمێ ژی کر کو پشتەڤانیا وێ کری بۆ وەرگرتنا ڤێ باوەرمامێ، گۆت ژی ئەز گەلەکا خۆشحالم کو ئێکەم کچا کوردم باوەرناما فرۆکەڤانیێ ل سەر ئاستێ کوردستانێ و عیراقێ ب دەستڤە دئینم.
رێژین محەمەد حسێن ل سالا ٢٠١٢ چوویە بریتانیا ل ئۆکسفۆرد دەست ب خواندنا خوە کر، پاشی ھاتە وەلاتێ ئوردن خواندنا خوە ب دووماھی ئینا و باوەرناما فرۆکەڤانیا مەدەنی ب دەست خوە ڤە ئینا.
