کچەکا دھۆکێ ل سیریلانکا پشکداری د قارەمانیەکا ئاسیا دا کر
ئەڤرۆ نیوز:
یاریکەرەکا یانا دھۆک و ھەلبژارتیێ عیراقێ یا تەنسا ئەردی کەڤوک شەعبان بەر ب وەلاتێ سریلانکا چویە ب مەرەما پشکداری کرنێ د قارەمانیا دڤیس کاپ یا ئاسیا بۆ یاریکەرێن ژیێن ئەوان کێمتر ژ ١٦ سالی ل سەر ئاستێ وەلاتێن ئاسیا و ھەردیسان ل گەل یاریکەرا یانا دھۆکێ راھێنەرێ یانێ ژی عیماد یونس چویە و ھەردیسان سەروک شاندێ ھەلبژارتیێ عیراقێ ژ پارێزگەھا دھۆکێ یە کو سەروکێ ئێکەتیا تەنسا ئەردی یا پارێزگەھا دھۆکێ و ئەندامێ ئێکەتیا ئێکەتیا تەنسا عیراقێ یا ناڤەندی یە .
ل دور ڤێ پشکداریێ سەروک شاندێ ھەلبژارتیێ عیراقێ سەعید خەلیل د داخویانیەکێ دا بۆ ئەڤرۆ نیوز دیارکر ئەڤ قارەمانیا دێ ھەتا ١٨ ڤێ ھەیڤی یا بەردەوام بیت و ل سەر ئاستێ ھەمی ھەلبژارتیێن ئاسیا یە و ھەردیسان دڤێ قارەمانیێ دا سێ کور و سێ کچ پشکدارن ل گەل ھەلبژارتیێ عیراقێ کو چار ژ ئەوان کوردن ل سەر ئاستێ کچان دو ئەوژی کەڤوک شەعبان ژ دھۆکێ و جینان عەبدولناسر و ھەروسا ل سەر ئاستێ کوران ژی دو کورد پشکدارن ئەوژی سان تەحسن و عەلی ئەبو زێد.
