کۆلیژا واشنتون کورسیێن خواندنێ بۆ قوتابیێن ھەرێمێ دابین دکەت
ئەڤرۆ، رەوان نھێلی
کۆلیژا واشنتون جیفرسون Washington & Jefferson College دەلیڤێن دانا کورسیێن خواندنێ بۆ قوتابیێن ئاست بلند ل ھەرێما کوردستانێ بۆ بدەستڤەئینانا باوەرناما بەکالوریوسی رادگەھینیت.
قوتابی دشێن راستەخو داخوازیا خوە پێشکێش بکەن کو دڤێت قوتابی دەرچوویێ ئامادەیی بیت، ھەروەسا سەرکەتیێن ئێکێ و دوێ یێن زانکۆیان ڤەدگریت.
ئەڤ زەمالە بۆ بدەستڤەئینانا باوەرناما بەکالوریوسێ یە ل کۆلیژا واشنتون جیفرسون، ھەموو مەزاختیێن خواندنێ ل گەل دابینکرنا پشکێن ناڤخویی و دانا کۆژمەکێ پارەی بۆ کرینا پێدڤیێن خواندنێ، ھەروەسا دابینکرنا مەزاختیین گەشتکرنێ بخوەڤەدکریت.
بەلێ ئەو قوتابیێن حەز دکەن ماستەر و دکتورایێ بخوونن، وانا ماف نینە پێشکێشی ڤان کورسییان بکەن، پرۆسا پێشکێشکرن و ھەلبژارتنێ دێ بۆ سالا خواندنێ 2014-2015 بیت، دووماھی ژڤانێ پێشکێشکرنێ ژی دێ ئێكى ئادارا سالا بھێت بیت، و کەسێ دھێتە وەرگرتن، بەری ھەیڤا نیسانێ یا سالا 2015 دێ ھێتە ئاگەھدارکرن،
ژ مەرجێن کەسێن داخوازا ڤان زەمالا دکەن، دڤێت ئاکنجیێن ھەرێما کوردستانێ بن.
کۆلیژا واشنتون جیفرسون، کۆلیژەکا بیاڤێ مروڤی و زانستی نە، ل سالا 1781 ھاتیە دامەزراندن، سالانە هزار قوتابیان وەردگریت کو د ناڤدا 100 قوتابیێن بیانی وەردگریت.
قوتابیێن دخوازن پێشکێشی ڤێ زانکۆیێ بکەن، بلا سەرەدانا مالپەرێ (www.washjeff.edu) بکەن، یان پەیوەندیێ ب رێڤەرا کاروبارێن وەرگرتنێ ل کۆلیژا واشنتون جیفرسون، خانم کریستن کروزیی Kristin Crosby بکەن.
دیسا قوتابی دشێن ب رێیا ئێمێلێ ErbilEducationUSA@state.gov پەیوەندیێ ب راوێژکارێ خواندنێ ل قونسولخانا گشتی یا ئەمریکا ل ھەولێرێ بکەن و پتر پێزانینان وەربگرن.