کۆمسیۆنا هەرێمێ: ئەو ئالیێن سەختەکاری کرین دێ ب دژواری هێنە سزادان
ئەڤرۆ نیوز ، زنار تۆڤی:
پشتی کو ل 30 ئیلۆنا ئەڤ سالە هەلبژارتنێن پەرلەمانێ کوردستانێ هاتینە ئەنجامدان و کۆمسیۆنا بلند هژمارا دەستپێکی یا دەنگێن قەوارە و ئالیێن کوردستانی داینە دیارکرن، كۆمسیۆنا بلند یا سه‌ربه‌خۆیا هه‌لبژارتن و راپرسیێ ل هه‌رێما كوردستانێ راگه‌هاندیە، کو ئەڤرۆ دوشەمبی دێ هه‌لسه‌نگاندنا سكالایان ب دوماهی هێت.
شێروان زرار، په‌یڤدارێ كۆمسیۆنا بلند یا سەربەخۆ و راپرسیێ ل هه‌رێما کوردستانی گۆتیە، د هه‌لبژارتنێن په‌رله‌مانێ كوردستانێ دا ل 30 ئیلۆنێ، 1045 سكالا ژ لایێ ئالیێن سیاسی ڤە هاتینه تۆماركرن و كۆمسیۆنا بلند ژی به‌رده‌وام كاری ل سه‌ر وان سكالایان دكه‌ت، دهێتە چاڤه‌رێکرن کو ئەڤرۆ دوشه‌مبێ، هه‌لسه‌نگاندنا سكالایان ب دوماهی بهێت.
هەروەسا گۆتیە ژی: راگه‌هاندنا ئه‌نجامێن دوماهیێ یێن هه‌لبژارتنێن پەرلەمانێ کوردستانێ نێزیك بووینه و ئەو ئالیێن سه‌خته‌كاری كرین، دێ ب دژواری هێنه سزادان.