سه‌ره‌كى Facebook کۆمپانیا فه‌یسبوکى ژبه‌ر چاره‌كرنا ئاریشێن وێ گەنجەکی دێرەلۆکى داخواز دکەتە ئه‌مریكا
کۆمپانیا فه‌یسبوکى ژبه‌ر چاره‌كرنا ئاریشێن وێ گەنجەکی دێرەلۆکى داخواز دکەتە ئه‌مریكا
ئەڤرۆ نیوز، مەحمود نهێلی:
کومپانیا فه‌یسبوکی گەنجەکی ناحیا دێرەلۆک ب ناڤێ (نیهاد میکائیل) داخواز دکەتە ئاهەنگا لاس فیگاس ل ئه‌مریكا ژ بەر چارەسەرکرنا چەندین ئاریشێن د دسیستەمێ فه‌یسـبوکی دا هەین.
نیهاد میکائیل، بۆ ئەڤرۆ نیوز دیار کر، کو تانوکە ئەو شیایە پێنج ئاریشێن د سیستەمێ فه‌یسبۆکی دا ئاشکرا بکەت و گۆت : ژبەر ڤێ یەکی ژی كۆمپانیا فه‌یسبوكى ئەز داخواز کریمە ئاهەنگەکی ل لاس فیگاس کو دێ ل حەفتێ تەباخا ئەڤ سالە هێتە گێران.
دیار ژی کر کو وی دشەرێ داعشێ 3 سایت و400 ڤیدیۆیێن وێ رێكخراوا تیرۆرستى ژناڤبر بوون.
