کۆچکا سپی: دۆنالد ترەمپ دێ جۆدا ل گەل نێچیرڤان بارزانی و بەرهەم سالحی کۆم بیت
ئەڤرۆ نیوز:
کۆچکا سپی بەرنامێ کۆمبوونێن سەرۆکێ ئەمریکا ل داڤۆس بەلاڤە کرینە و لدووڤ وی بەرنامەی دێ ترەمپ ل گەل کۆمەکا سەرۆکان کۆم بیت ژ وان ژی: سەرۆکێ هەرێما کوردستانێ و سەرۆک کۆمارێ عیراقێ.
لدووڤ نووچەکێ ئاژانسا رویتەرز، کۆچکا سپی بەرنامێ سەرەدانا دۆنالد ترەمپی سەرۆکێ ئەمریکا بەلاڤە کریە و دێ ترەمپ جۆدا ل گەل بەرهەم سالحی، سەرۆک کۆمارێ عیراقێ، نێچیرڤان بارزانی، سەرۆکێ هەرێما کوردستانێ، سیمۆنێتا سۆماروگا، سەرۆکێ سویسرا و عیمران خان، سەرۆک وەزیرێن پاکستانێ کۆم بیت.
