کێم ئەندامان کورسیێن خوە سۆتن
ئه‌ڤرۆ نيوز:
وەکو دەربڕینا نەرازیبوونێ دژی گیرۆبوونا مووچێن وان و بەردەوامیا پاشکەفتی ل سەر مووچێن وان، کێم ئەندامێن سلێمانیێ ل بەرامبەر نڤیسینگەھا پەرلەمانێ کوردستانێ ل سلێمانیێ کورسیێن خوە سۆتن.
سامان حسێن، سکرتێرێ گشتی یێ ئێکەتیا کێم ئەندامێن کوردستانێ ل سلێمانیێ بۆ ڕۆژناما ئەڤرۆ گۆت: “ژ ئەگەرێ بەردەوامیا سڤکیکرن ب کێم ئەندامان، گوە نەگرتنا حوکمەتێ ل داخوازیێن کێم ئەندامان، بەردەوامیا پاشکەفتی ل سەر مووچێن مە و گیرۆکرنا دانا مووچێ کێم ئەندامان، ئەز ل گەل ھەڤالێن خوە ل ڕێکخراوێن دی یێن جڤاکێ مەدەنی ل بەرامبەر نڤیسینگەھا پەرلەمانێ کوردستانێ رابووین ب سۆتنا کورسیێن کێم ئەندامان وەکو ھۆشداریەکا تووند بۆ حوکمەتێ کو ئێدی نابیت ژیانا کێم ئەندامان ب ڤی شێوەی بمینیت”.
سامان حسێن گۆتژی: “ڕەوشا ژین و ژیارا کێم ئەندامان ل کوردستانێ گەلەکا نەباشە و د بن ھێلا ھەژاریێ دایە، ھەکە لێت و حوکمەت ئاورەکێ لێ نەدەت، دێ کارەسات روودەت”.
سکرتێرێ گشتی یێ ئێکەتیا کێم ئەندامان دبێژیت: “چو کەس و لایەن ئاوڕ ل رەوشا خەرابا کێم ئەندامان نادەن، لەو ھەکە بھێت و رەوشا کێم ئەندامان نەھێتە باشکرن دێ رێیێن دی گرینە بەر”.
ناڤھاتی زێدەتر گۆت: “ئەم داخوازێ پاشکەفتێ مووچەی ل سەر مووچێ کێم ئەندامان نەمینیت، دیسا ھەموو ھەیڤان د دەمێ خوە دا بھێتەدان و ھەموو ئەو پێدڤیێن کێم ئەندام پێدڤی دبنێ بۆ بھێنە دابینکرن”.