کەسەکى گیانێ خوە ژ دەست دا و ئێک ژی يێ بریندارە
ئەڤرۆ نیوز، نەوزاد ھلۆری:
ژ ئەگەرێ روودانەکا ھاتنوچوونێ ل سەر رێیا گشتی د ناڤبەرا قەزا بەردەرەش و ناحیا روڤیا دا، دو کەس بوونە قوربانی.
ئازاد تاھا بەرپرسێ راگەھاندنا ھاتنوچوونا دھۆکێ بۆ ئەڤرۆ نیوز گۆت: (ئەڤرۆ بەری نیڤرۆ ل سەر رێیا گشتی يا د ناڤبەرا قەزا بەردەرەش و ناحیا روڤیا دا ل نێزیک گوندێ جوجەر ژ ئەگەرێ روودانەکا ھاتنوچوونێ دو کەس بوونە قوربانی).
زێدەتر گۆت: (ئێک ژ وان قوربانیان گیانێ خوە ژ دەست دایە و ئەوێ دى ژی ب گرانی يێ بریندارە، روودان ژی ژ جورێ لێکدانە، پۆلیسێن ھاتنوچوونا بەردەرەش ل جھێ روودانێ بەرھەڤبووينه و ڤەکولین ل سەر ئەگەرێن روودانێ هاتينه كرن).
