کەمال کەرکووکی: حەشدێ ھێزەکا مەزن بەر ب پردێ لڤاندیە
ئه‌ڤرۆنيۆز:
فەرمانده‌كێ بەرەیێ کەرکووکێ یێ پێشمەرگه‌ى، راگەھاند؛ ل دو شەڤێن بۆری ھێزەکا مەزن یا حەشدا شەعبی ژ کەرکووکێ بەر ب باژارکێ پردێ ھاتیە لڤاندن، پێشمەرگە ژی کەفتیە د ئامادەباشیێ دا.
کەمال کەرکووکێ بۆ رادیۆیا دەنگێ ئەمریکا گۆت؛ حەشدا شەعبی ھێزەکا مەزن ب چەکێن گران ڤە ژ کەرکووکێ بۆ پردێ ب رێ خستیە، ھێزێن وان ژی د ناڤا پردێ دانە و نزانن پلانا وان چیە.
ھەلگۆرد حکمەت، بەرپرسێ راگەھاندنا وەزارەتا پێشمەرگە ل دۆر وى بابه‌تى راگەھاند؛ چو گوھۆرینێن له‌شكرى د پەیوەندیێن به‌غدا وھەرێمێ دا چێنەبووینە، نھا ئەو چاڤەرێ بەرسڤا بەغدا نە ل دۆر پێشنیازێن وەزارەتا پێشمەرگە.
