کەمپینا لالش یا رەوشەنبیری دەست پێکر

ئەڤرۆ نیوز، کاروان باعەدری:
کەمپینا لالش یا رەوشەنبیری یا دویێ ل ھاڤینگەھا زاویتە دەستپێکر
بەرپرسێ راگەھاندنا بنگەھێ لالش یێ رەوشەنبیری و کۆمەڵایەتی بۆ ئەڤرۆ نیوز گۆت:” ب پشتەڤانیا فەرھاد ئەمین پارێزگارێ دھۆکێ و شێخ شامۆ ئەندامێ پەرلەمانێ کوردستانێ و سەرۆکێ دەستەیا بلندا بنگەھێ لالش ل دھۆکێ و رێکخراوا ھاریکار ل رێکەفتی 29 ئەیلولا 2016ێ دەست ب ڤەکرنا کەمپینا لالش یا رەوشەنبیریا دویێ بۆ 100 کچ و کۆرێن شنگالێ ل ھاڤینگەھا زاویتە کر”.
جەعفەر سمۆ، بەرپرسێ راگەھاندنا بنگەھێ لالش یێ رەوشەنبیری و کۆمەڵایەتی گۆت:” ئەڤ کەمپینە بۆ 100 کچ و کوڕێن شنگالێ ھاتیە ڤەکرن و دێ بۆ ماوێ حەفتیەکێ بەردەوام بیت، تێدا چەندین سمینار و بەریکانە و برگێن ھۆنەری دێ ھێنە پێشکێش کرن”.

کۆمێنتا تە