کەنەدا دێ 800 پەنابەرێن کورد وەرگریت
ئەڤرۆ نیوز:
وەزیرێ کۆچبەرێن کەنەدا خویا کر کو ھەیا دووماھیا ئەڤ سالە دێ ھزار 200 وەلاتیێن ئێزدی قەبوول کەت و گۆت “ھەتا نھا مە 400 وەرگرتینە”.
د کڤانێ کۆنگرەکێ رۆژنامەنڤیسی دا کو ل باژارێ ئۆتاوا ساز کری، وەزیری کۆچبەران دیار کر کو ل پاییزا بۆری پەرلەمانێ کەنەدا پرۆژە یاسایەک پەسەند کربوو و ژ حکوومەتا وی وەلاتی خواست بوو ھژمارەکا نەدەستنیشانکری یا ژن و زارۆیێن ئێزدی د دەمێ چار مەھان دا وەرگریت، ژبەرکو ئێزدی ل سەر دەستێ داعشێ تووشی تەڤکوژیێ بووینە.
ھەروەسا ئاماژە ب وێ یەکێ ژی کر کو ل سەر وەرگرتنا ئێزدیان دگەل ھەردو حکوومەتێن ناڤەندی و ھەرێمێ ژی رێککەفتینە و ھەتا دووماھیا ئەڤ سالە 2017 دێ 800 وەلاتیێن ئێزدی وەرگرن و گۆت “ئێزدی ژ ھەموو کەسان زێدەتر پێدڤینە وەکو پەنابەر بھێنە وەرگرتن، چونکی ژ ئالیێ سایکۆلۆژی و جەسەدی و جڤاکی ڤە راستی چەندین ئالۆزیێن دژوار بووین”.
ئەڤ راگەھاندنە دێ د چارچووڤێ پرۆگرامەکی دا بیت کو دێ 28 ملیۆن دۆلار تێدا ھێنە مەزاختن و ھەتا نھا 400 پەنابەرێن ئێزدی ب رێیا وی پرۆگرامی ب ھەماھەنگی دگەل نەتەوێن ھەڤگرتی ژ ئالیێ کەنەدا ڤە ھاتینە وەرگرتن.
