گرتنا مووسل دێ پاشکەڤیت
ئەڤرۆ نیۆز، قائید میرۆ:
بڕیاردەرێ لیژنا ئاسایش و بەڕەڤانیا پەرلەمانێ عێراقێ تەکەزکر، پڕۆسا کۆنتڕۆلکرنەڤا باژێڕێ مووسل دێ پاشکەڤیت و دەمەکێ زۆر پێدڤیە بۆ گرتنا مووسل نەک ئەف ژڤانێ دیاریکری.
شاخەوان عەبدولا، بڕیاردەرێ لیژنا ئاسایش و بەڕەڤانیا پەرلەمانێ عێراقێ ب ئەڤرۆ نیۆز گۆت: “پشتی گرتنا رومادی ژ لایێ تیرۆرستێن داعش کاریگەری کریە سەر کۆنتڕلکرنا باژێڕێ مووسل و گرتنا مووسل دێ پاشکەڤیت”.
شاخەوانی گۆتژی: “ھەر ژ دەستپێکێ دانا پلانا گرتنا مووسل یا شاش بوویە و چو بەرھەڤی نەھاتینەکرن، ھەتا ئەمریکا ب خوە ڤێ راستیێ دزانیت، ژ بەر کو چەکدارکرنا سونیێن مووسل و ھەماھەنگیا د گەل ھێزێن پێشمەرگە و راھێنانا خۆوه‌بەخشا تنێ ناف بوویە و بەرھەڤی بۆنەھاتیەکرن”.
