گرتیەکێ کورد خەلاتەکێ نێڤدەولەتی بدەستڤە دئینیت
ئەڤرۆ، ھۆشەنگ:
رێکخراوا مافێ مرۆڤی یا نێڤدەولەتی ل وەلاتێ کەنەدا خەلاتا چالاکی و بەرەڤانی کرن ژ مافێ مرۆڤی یا سالا 2014 دا محەمەد سەدیق کەبودوەند سەرۆکێ زیندان کری یێ رێکخراوا مافێ مرۆڤی یێ رۆژھەلاتێ کوردستانێ.
رێکخراوا مافێ مرۆڤی د داخۆیانیەکێ دا دیار دکەت کو کەبودوەند ٦ سالن د زیندانێ دایە و ژ بەر خەباتێن وی یێن بۆ مافێ مرۆڤی ل ئیرانێ ھاتیە گرتن و ل زیندانێ ژی ھەر دەست ژ چالاکیێن خوە بەرنادەت و ژ بەر ڤێ یەکێ مە وەک رێکخراوا نێڤدەولەتی یا مافێ مرۆڤی بریار دا کو ئەم خەلاتا خوە یا سالا 2014 پێشکێشی کەبودوەندی بکەین.
ھەژی ئاماژەپێدانێ یە کو محەمەد سەدیق کەبودوەند سەرۆکێ رێکخراوا مافێ مرۆڤی یا رۆژھەلاتێ کوردستانێ ژ بەر خەبات و چالاکیێن خوە ھەتا نھا ب دەھان خەلاتێن نێڤدەولەتی وەرگرتینە و سالا 2008 ب تومەتا ئاڤاکرنا رێکخراوا مافێ مرۆڤی یا رۆژھەلاتێ کوردستانێ ژ ئالیێ ھێزێن ئێمناھیێ یێن ئیرانێ ڤە ھاتە گرتن و پاشی ژ ئالیێ دادگەھا تەھرانێ سزایێ دەە سال زیندان ل سەر وی ھاتە سەپاندن.
دادگەھا مافێ مرۆڤی یا ئورۆپا و پەرلەمانێ ئێکەتیا ئورۆپا سالا 2012 ب رەنگەکێ فەرمی داخواز ژ ئیرانێ کربوون کو سزایێ کەبودوەندی کێم بکەت و دڤێت ئەو بھێتە ئازاد و ھەروەسا وی دەمێ نەتەوێن ھەڤگرتی ژی داخوازا ئازادیا وی کربوو، لێ ھەتا نھا ژی ناڤھاتی د زیندانا تەھرانێ دا گرتیە و گەلەک جاران ب رێیا پارێزەرێن خوە پەیامێن جودا جودا ل سەر رەوشا کوردستانێ بەلاڤ دکەت و ل رۆژھەلاتێ کوردستانێ ژی محەمەد سەدیق کەبودوەند وەک بابێ مافێ مرۆڤی دھێتە نیاسین.
