گرنگە پڕۆژەیێ (هەژمارا من) بەردەوام بیت
دوهی دوشەمبی 9/11/2024، مەسرور بارزانی، سەرۆكێ حوكمەتا هەرێما كوردستانێ پێشوازی ل عەلی موحسن ئەلعەلاق، پارێزگەرێ بانكا ناڤەندییا ئیراقێ كر.
ب گۆڕەی بەیاننامەیەكا حوكمەتا هەرێما كوردستانێ: د كۆمبوونەكێدا سەرۆكێ حوكمەتا هەرێما كوردستانێ رۆناهی ئێخستە سەر چاكسازیێن بوارێ بانكی ل هەرێما كوردستانێ، هەروەسا ئاماژە ب پڕۆژەیێ (هەژمارا من) كر كو هەتا نوكە زێدەتر ژ نیڤ ملیۆن كەسان ژ مووچەخۆرێن كەرتێ گشتی یێن هاتینە تۆماركرن و پێشبینی دهێتە كرن ل مەها داهاتی مووچەیێن 200 هزار كەسان ب رێكا (هەژمارا من) بهێنە دان.
د بەیاننامەیا حوكمەتا هەرێمێدا هاتیە ژی كو هەردو ئالی د هەڤڕابوون ل سەر گرنگییا بەردەوامبوونا پڕۆژەیێ (هەژمارا من) و پشتەڤانی و چاڤدێرییا بانكا ناڤەندی.
سەرۆكێ حوكمەتا هەرێمێ سوپاسییا پارێزگەرێ بانكا ناڤەندییا ئیراقی كر بۆ پشتەڤانیكرنا تایبەت یا وی ل (هەژمارا من) و چاكسازیێن بانكی یێن حوكمەتا هەرێما كوردستانێ. هەروەسا باس ل گەشەكرنا خواستا دەزگەهێن دارایێن ناڤخوەیی و نێڤدەولەتی بۆ هەماهەنگیێ و پشتەڤانیێ ل ستراتیژییەتا حوكمەتا هەرێما كوردستانێ د بوارێ داراییدا كر.
ب لەزكرنا گشتگیرییا دارایی ل هەرێما كوردستانێ وەكو پشكەك ژ ئارمانجێن ستراتیژیێن بانكا ناڤەندییا ئیراقی و پێنگاڤێن ب دیجیتالكرنا بانكان، تەوەرەكێ دی یێ دانوستاندنان بوو.
