گرووپەکێ ناڤ گۆرانێ هەولێن خۆ بۆ دژایەتیکرنا خانەیا راپەراندنا وێ بزاڤێ چر کرینە
ئەڤرۆ نیۆز،زنار تۆڤی:
ئەندامەکێ فراکسیۆنا گۆرانێ ل پەرلەمانێ کوردستانێ ئاشکراکر، ناکۆکی دناڤ بزاڤا گۆڕاندا هەنە کو وی ب ”رەخنەگرتن ل خانا راپەراندنێ“ وەسف کرینە و هیڤی خواست کوو دۆخێ گۆرانێ وەک دۆخێ نوکە یێ ئێکەتیێ ب سەر نەهێت.
ژێدەرەکێ ژ بزاڤا گورانێ ئاشکرا کر کو خانا ڕاپەراندنا گۆرانی ژلایێ گرووپەکێ نافخۆ یێ گۆرانێ کریا ئارمانج و هێرش ل سەر مانا خانەیا ڕاپەڕاندنێ دروست بوویە. ئەو ژی گوت،کو هەمان گرووپی دەست ب سەر میدیایا گۆرانێدا گرتییە.
مەحمود حاجی عومەر، ھەلسۆراوێ بزاڤا گۆرانێ و ئەندامێ فراکسیۆنا گۆڕان ل پەرلەمانێ کوردستانێ راگەهاند: ”تشتەکێ ئاساییە کو رەخنە ل خانەیا راپەراندنێ بهێنە گرتن، بەلێ راستە کو نوکە دناڤا گۆرانێدا ئەڤە پەیدا بوویە“.
وی پەرلەمانتارێ گۆرانێ هیڤی خواست، ”کو پرسا رەخنەگرتنێ ل خانەیا راپەڕاندنێ نەبیتە هۆکارێ دۆخەکێ،کوو وەک ئەوا کو نوکە مەکتەبا سیاسی و سەرکردایەتیا ئێکەتیێ ڤەگرتی، چونکی ئەڤە ل دوماهیێ دێ مەترسیێ ل سەر گۆرانێ دروست کەت.
هەروەسا گوت ژی:ئەو کێموکاسیێن دناڤ مەدا هەین “، دڤێت بهێنە چارەسەرکرن. گوت ژی: ”ئەوا دهێتەکرن بەشەکێ دلسۆزیێ یە،بەلێ ئەز یێ ژێ رازی نینم.