گرۆپه‌كا حه‌شدا شه‌عبى خوه ژ كه‌ركووكێ ڤه‌كێشا
ئه‌ڤرۆنيۆز:
ژێده‌ره‌كى ئاگه‌هدار ل پارێزگه‌ها كه‌ركووكێ دياركر كو گرۆپه‌كا حه‌شدا شه‌عبى خوه ژ كه‌ركووكێ ڤه‌كێشا پشتى فه‌رمانا خوه ڤه‌كێشانێ بۆ وێ گرۆپێ هاتى.
وى ژێده‌رى خوياكر كو ميليشيا (سرايا السلام) يا ب سه‌ر حه‌شدا شه‌عبى ڤه ودهێته ژمارتن بالێ له‌شكريێ ره‌وتێ سه‌درى، دوهى رۆژا چارشه‌مبى ب تمامى ژ كه‌ركووكێ هاته ڤه‌كێشان پشتى موقته‌دا سه‌درى رێبه‌رێ ره‌وتێ سه‌درى فه‌رمانا خوه‌ڤه‌كێشانێ لێكرى.
موقته‌دا سه‌در ل رۆژا سێشه‌مبيا بۆرى فه‌رمان ل ميليشيا ناڤبرى كربوو دده‌مێ 72 ده‌مژمێران دا خوه ژكه‌ركووكێ ڤه‌كێشيت
ل رۆژا ئێكشه‌مبيا بۆرى، دو په‌قين دژى باره‌گايه‌كێ ميليشيا (سرايا السلام) ل باژێرێ كه‌ركووكێ هاتبوونه ئه‌نجامدان كو 20 كه‌س تێدا هاتبوونه كوشتن وبرينداركرن.
