گرۆپێن چەکدار ئدلبێ چۆل ناکەن

ئەڤرۆ نيوز:‏

پشتی رێککەفتنا د ناڤبەرا روسیا و تورکیا دا ل دۆر ئدلبێ ھەتا نھا چو پێنگاڤ نەھاتینە ھاڤێتن و ‏بەرپرسەکێ رژێما سووریێ ژی دیار دکەت کو ھەتا نھا چو گرۆپێن چەکدار ئدلب چۆل نەکرینە و ‏تورکیا سۆزێن خوە بجە نەئینایە و ھەکە د دەمێ دیار کری دا ھەموو گرۆپێن چەکدار ژ ئدلبێ ‏دەرنەکەڤن ئەم دێ ھێرشی وی باژێری کەین.‏

ل دۆر ڤی بابەتی ھەتا نھا بەرپرسێن روسیا چو داخۆیانیێن فەرمی نەداینە، لێ بەری چەند رۆژان ‏وەزیرێ دەرڤە یێ روسیا دیار کربوو کو رێککەفتنا مە و تورکیا ل دۆر ئدلب گرنگە و ئەم ‏ھێڤیدارین کو یا پێدڤی بھێتە کرن.‏

بەری نھا چەندین گرۆپێن چەکدار ل ئدلبێ ژی دیار کربوون کو ئەو باژێری چۆل ناکەن و پێگریێ ‏ب رێککەفتنا تورکیا و روسیا ناکەن.‏

کۆمێنتا تە