گرۆپێن چەکدار باجێ ژ خەلکێ عەفرینێ وەردگرن
ئەڤرۆ نيوز:
ل گۆر راپۆرتەکا مالپەرێ نێرینا ئازاد یا تورکی پشتی کو عەفرین کەفتیە دەستێ ھێزێن لەشکرێ ئازاد و گرۆپێن سەر ب تورکیا رەوشا ژیانا خەلکی گەلەکێ ئالۆز بوویە، نھا ژی چەکدارێن لەشکرێ ئازاد پارێ بەرھەمێ جۆتیاران ب زۆرێ ژ وان وەردگرن، ئەو یەک د دەمەکێ دایە کو بەری نھا ژی ب بەھانێن جودا جودا گەلەک جاران باج ژ خەلکی وەرگرتینە و ژ بەر ھندێ ژی خەلکێ عەفرینێ ژ ھەلویستێ وان گرۆپێن چەکدار دلگرانن.
د بەردەوامیا راپۆرتێ دا ئەو یەک ژی ھاتیە دیار کرن کو ھەتا نھا گەلەک دوکان و جھێن کاری یێن وەلاتیێن عەفرینێ ژ ئالیێ وان گرۆپان ڤە ھاتینە داگیرکرن و رێ نادەن ئەو کارێ خوە بکەن، نھا ژی وەرزێ بەرھەمێ جۆتیارانە و ب زۆرێ پارێ جۆتیاران ژێ وەردگرن و چەندین جۆتیار ژی ژ ئالیێ وان گرۆپان ڤە ھاتینە گرتن و تووشی ئەشکەنجەدانێ بووینە.
ئەو یەک د دەمەکێ دایە کو بەری نھا ژی رێکخراوا مافێ مرۆڤی یا سەر ب نەتەوێن یەکگرتی دیار کربوو کو گرۆپێن چەکدار یێن سەر ب تورکیا ل عەفرینێ مافێ مرۆڤی بنپێ دکەن.
