گرۆپێ ئێکێ يێ تيرۆرستى پشتی داعش ل ڤێ ده‌ڤه‌را هه‌رێمێ په‌يدا بوو
ئه‌ڤرۆ نيوز:
ئەڤە بۆدەمێ چەند رۆژانە گروپەکا چەکدار ل دەڤەرا ناڤبەرا قەزا خورماتوو قەزا کفری یا دەڤەرا گەرمیان پەیدابووینە و مەترسی ھەیە ئەڤ گروپا چەکدار ئەڤبیت یا دھاتە گۆتن پشتی داعش دێ رێکخراوەکادیا تیرۆرستی پەیداببیت ل عێراقێ، قایمقامێ قەزا کفریژی رەتکر چو زانیاریان لدۆر ھەبوونا ئەڤێ گروپێ بدەت.
ژێدەرەکێ ئاگەھدار بۆ رۆژناما ئەڤرۆ گۆت” ئەڤە پتری ئێک حەفتیە ئەف گروپا چەکدار ھاتیە دەڤەرا داودە یا گەرمیان و بارەگایەک ل گوندێ پەلکانە دانایە و ھاتن وچوونێ دکەن، ئەڤان چەکداران کەسێن جودا تێدا ھەنە وەکی کورد و ئیرانی و عەرەب ب ھەموو زمانا خەلک دگەلدایە و دناڤبەرا گوندێن دەڤەرێ و چیایەکێ نێزیک دادودە بنکە و بارەگا داناینە، بەلێ پتر وەکی پارتیزان کار دکەن ، رێکێ ژی نادەن چو کەس و لایەن و دەزگەھێن راگەھاندنێ بچنە دەڤەرا بن کۆنتڕۆلا وانا ھەتا دەست بسەر چالەکا پەتڕۆلێ دا گرتیە ل دەڤەرێ، گورەی کەسێن گوندی و ئەف چەکدار دیتینە تێتە پێشبینیکرن ھەتا 400 چەکدارابن، ھێشتا یا رۆھنەبوویە ئارمانجا دامەزراندنا ئەڤێ گروپێ چنە و دژی کێ دێ شەڕی بکەت، بەلێ تێتە پێشبینیکرن لڕۆژێن داھاتی پەیامەکێ بەلافکەت و دووڤدا دەست ب چالاکیێن خوە بکەت.
ژێدەرێ رۆژناما ئەڤرۆ کو نەڤیا ناڤێ وی بھێتە بەلافکرن دیارکر” ئەف گروپا چەکدارا لەوانەیە بەرماکێن چەکدارێن گروپا تیرۆرستیا داعشبن ل عێراقێ و بشێوازەکێ نوو دەست بکارێ خوە بکەن، گورەی ئاخفتنێن خەلکێ دەڤەرێ پتریا وان ل ئیرانێ ھاتینە و ھژمارەک چەکدارێن کوردژی دگەلدانە کو بەری نوکە ل ئیرانێ بووینە، بتایبەتی ئەف گروپێن تیرۆرستیێن سالێن بۆری یێن چووینە ئیرانێ ڤەگەڕیاینە دەڤەرێ و نوکە یێ خوە کۆمدکەن، واتە داعشێن ئیرانینە و شێوازێ وان دێ جودابیت ل داعشا بەرێ.
ژبۆی وەرگرتنا زانیاریێن زێدەتر رۆژناما ئەڤرۆ پەیوەندی ب شێخ جەلال قایمقامێ قەزا کفری کر، بەلێ نافھاتی رەتکر چو زانیاریان لدۆر ئەڤێ گروپێ بدەت و گۆت” سنورێ کارکرنا وان ل قەزا کفری یا دوورە و ئەم چو داخویانیان لدۆر ھەبوونا ئەڤان چەکداران نادەین”.
