گه‌را پێنجێ يا پێشمه‌رگه‌يى دێ چيته كۆبانێ
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ هێزێن پێشمه‌رگێ كوردستانێ بۆ ئه‌ڤرۆ نيوز راگه‌هاند كو ئه‌و هاتينه ئاگه‌هداكرن ل سه‌ر ناڤ تۆماركرنا پێشمه‌رگه‌يى بۆ كۆبانێ.
ئه‌ڤى ژێده‌رێ ئه‌ڤرۆ نيوز پاراستن ل سه‌ر ناڤێ وى كرى، گۆت: “ئه‌م هاتينه ئاگه‌هداركرن كو هه‌ر ئێك ناڤێ وان پێشمه‌رگان بنڤيسيت يێن دێ ژ لاێ وان ڤه چنه كۆبانێ و بۆ وه‌زاره‌تا پێشمه‌رگه‌يى بلند بكه‌ن”.
ئه‌ڤى ژێده‌رى هژمارا پێشمه‌رگێن دێ بۆ ڤێ گه‌رێ چن نه‌دا ئاشكه‌ران كرن و كا دێ گه‌را دووماهيێ بيت يان نه و ژڤان ژى هێشتا نه‌هاتيه دياركرن، به‌لێ دا زانين كو هندى ره‌وش ب ڤى ره‌نگى بيت و كۆبانێ ب ده‌وروبه‌رێن وێ ڤه نه‌هێته رزگاركرن ئه‌و دێ پێشمه‌رگه‌يى ره‌وانه كه‌ن.
هه‌تا نوكه چار گه‌رێن پێشمه‌رگه‌يى ژ هێزێن پێشته‌ڤانيێ يێن 70 و 80 سه‌ر ب وه‌زاره‌تا پێشمه‌رگه‌يى ڤه چووينه كۆبانێ و ئێك كه‌س ژ هێزێن پێشمه‌رگێ كوردستانێ هاتيه شه‌هيد كرن.
