گه‌رم ژی چاره‌سەریا كۆرۆنا یێ ناكەت
ئەڤرۆ نیوز:
بەرۆڤاژی په‌یاما دۆنالد تره‌مپی، شاره‌زایێن نۆشداری دبێژن: كۆرۆنا ب گه‌رمێ ژناڤ ناچیت و دێ به‌رده‌وام بیت ژ گه‌شه‌كرنێ.
پێشتر دۆنالد تره‌مپێ سەرۆکێ ئەمریکا گۆتبوو، كو ب هاتنا گه‌رمێ كۆرۆنا خوا ناگریت و دێ ژناڤ چیت، به‌لێ ئه‌و گۆتنا سه‌رۆكێ ئه‌مه‌ریكا ژ ئالیێ زانستی ڤە بەرۆڤاژی هاتیە سه‌لماندن.
د. ویلیام شاڤنز، شاره‌زایەکە ل سه‌نته‌رێ نۆشداری ل زانكۆیا ڤاندربیلت، راگه‌هاندیه، نابیت پشت ل سەر هاتنا گه‌رمێ ببه‌ستین، چونكی دبیت ڤێ چەندێ مفا یێ خوە نەبیت و ب تنێ دابرانا جڤاکی و كه‌ره‌نتین چاره‌سه‌رن.