گه‌فێن داعش گه‌هشتنه ئه‌مریكا
ئه‌ڤرۆ نیوز، ڤه‌ده‌ر سوبحى
په‌یجێ تورا كومه‌لاتیا تویته‌رێ یا فه‌رمانداریا ناڤه‌ندیا ئه‌مریكا هاته هاككرن ژ ئالیێ گرۆپه‌كی ڤه كو دبێژن هه‌ڤسوزێن داعشێ نه.
نڤیسینه‌كا هاككرنێ به‌لاڤكریه كو دبێژیت ” ئه‌مریكا ئه‌م هاتین، چاڤێ وه ل وه بیت” هه‌روه‌سا د نڤیسینه‌كا دی دا به‌لاڤكریه كو دبێژیت “بناڤێ خودێ مه‌زن و دلوڤان، خه‌لافه‌تا ئینته‌رنێتێ به‌رده‌وامه لسه‌ر جیهادا ئینته‌رنێتی ”
چه‌ند وێنه ژی هاككرینه و به‌لاڤكرینه كو دوكیومێنت و زانیاریێن ئه‌فسه‌رێن نها و یێن خانه نشێن ئه‌مریكانه، زێده‌باری ناڤو نیشانێن مالێن وان و ئیمه‌یلێن وان.
ل دووڤ دا جاره‌كا دی فه‌رمانداریێ هاككرن راكر، و به‌رپرسه‌كئ ژی بۆ رویته‌رز گوت: كو رێكارێن پێدڤی هاتنه‌كرن بو زانینا چاوانیا روودانا ڤێ یه‌كێ .
