گه‌فێن سێداره‌دانێ ل خوه‌نيشانده‌رێن ئيرانى دهێته كرن
ئه‌ڤرۆنيوز:
سه‌رۆكێ دادگه‌ها بلند ل ته‌هرانێ، ئه‌ڤرۆ سێشه‌مبى 2/1/2018 راگه‌هاند، هه‌كه بهێت ونه‌رازيبوون به‌ده‌وام ببن وخه‌لك بهێته سه‌رجاده‌يان، ئێدى ئه‌م وه‌كو نه‌رازيبوون ناسه‌حكه‌ينه ده‌سته‌سه‌ركريان ودێ ب توندرين شێوه سزا ده‌ين.
مووسه‌وى غه‌زه‌نفه‌ر ئابادى، سه‌رۆكێ دادگه‌ها بلند ل ته‌هرانێ دداخۆيانيه‌كێ دا بۆ مالپه‌رێ (ته‌سنيم) يێ سه‌ر ب له‌شكرێ پاسدارێن ئيرانى ڤه گۆت” ئه‌و كه‌سێن ل رۆژا سيێ پشتى ده‌ستپێكا خوه‌نيشادانان بهێنه ده‌سته‌سه‌ركرن، دێ سزا وتاوانا وان گرانتر بيت، چونكى وه‌زاره‌تا ناڤخوه‌يى ئه‌و كۆمبوونه ب نه‌قانوونى هژمارتينه، كو نه‌رازيبوويان ب ئه‌نقه‌ست ده‌ست دابوو ئاژاوه‌گيريێ”.
مووسه‌وى گۆت ژى”هه‌ر رۆژه‌ك كو ب ئاژاوه‌گێريێ زێده‌ببيت وخه‌لك بهێته ده‌سته‌سه‌ركرن، سزا وتاوانێن وان دێ زێده‌تر بن وئێدى ئه‌م وه‌كو خه‌لكێ نه‌رازى نا سه‌حكه‌ينه مافێن وان، چونكى وان كه‌سان دڤێت دربان ل جه‌وهه‌رێ حوكمه‌تا ئيرانێ بده‌ن”.
ناڤبرى گۆت ژى” دبيت تۆمه‌تا هنده‌ك ده‌سته‌سه‌ركريان ببيته كوده‌تا ويا هنده‌كێن دى بزاڤ دژى ئاسايشا نه‌ته‌وى بيت وهنده‌ك كه‌سێن دى وه‌كو رێكخه‌ر وپێشه‌نگێن خوه‌نيشادانان بهێنه ده‌سته‌سه‌ركرن، بێگومان دێ سزايێ وان سێداره‌دان بيت،چونكى په‌يوه‌ندى ل گه‌ل تۆرێن هه‌والگيرى يێن ده‌رڤه يا هه‌ى”.
