گه‌ميه‌كا كۆچبه‌ران بن ئاڤ بوو
ئه‌ڤرۆ نيوز:
ل ده‌ڤه‌را كوشاداسيێ يا ئايدنێ به‌له‌مه‌كا په‌نابه‌ران بن ئاڤ بوو و 9 كه‌س مرن و چار كه‌س ژى ب ساخى هاتنه ده‌رێخستن.
ب گۆره‌يى پێزانينێن به‌رده‌ست ل كوشاداسيێ گه‌ميه‌ك كو هنده‌ك په‌نابه‌ر تێدا بوون بن ئاڤ بوو. پشتى پۆليس هاتينه ئاگه‌هداركرن ئه‌و كه‌سێن مايين هاتنه رزگاركرن.
ب گۆره‌يى پێزانينێن ده‌سپێكى د گه‌ميێ دا، 13 كه‌س هه‌بوون و د ناڤ وان دا، 9 كه‌س خه‌ندقين و چار كه‌س ژى هاتنه رزگاركرن.
قايمقامێ كوشاداسيێ موامێر ئاكسۆيى راگه‌هاند كو ئه‌و كۆچبه‌رێن خه‌ندقى حه‌فت زارۆ و دو ژن بوون، به‌لێ هه‌تا نها ژى نه‌هاتيه زانين كا ئه‌و كۆچبه‌رێن خه‌ندقين ژ كيش وه‌لاتى نه.
