گه‌نجه‌كی مالا مامێ خوه بره سه‌یرانێ و دزی لێكرن
هه‌ولێر، قائید میرۆ
پۆلیسێن پارێزگه‌ها هه‌ولێرێ ئاشكراكر، دزیه‌كا سه‌یر هاتیه‌كرن و گه‌نجه‌كی فێل ل مالا مامێ خوه‌كریه، چونكه پشتی مالا مامێ خوه بریه سه‌یرانێ ڤه‌گه‌ریایه دزی لمالا مامێ كریه.
نه‌قیب هۆگر عه‌زیز، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” حاله‌ته‌كێ دزیێ یێ سه‌یر هاتیه تۆماركرن و تێدا، گه‌نجه‌كێ ئاكنجیێ هه‌ولێرێ مالا مامێ خوه بریه بۆ سه‌یرانێ و پشتڕا دو هه‌ڤالێن خوه هنارتینه سه‌ر مالا مامێ خوه، به‌لێ پشتی دزینا 30 مسقالێن زێڕی ژلایێ نه‌هێلانا گونه‌هباریان ڤه هاتیه ده‌سته‌سه‌ركرن.
هۆگری گۆتژی” پشتی دانپێدانانێ ژلایێ دادگه‌هێ ب ماددێ 433 یی سزادانا عێراقی، كو گرانترین سزایێ دزیێ یه هاتیه به‌ندكرن و ئه‌گه‌ر ژده‌رڤه‌ی دادگه‌هێ ژی لێبۆرین هه‌بیت و پێك بێن هه‌ر ناهێته ئازادكرن.
