گه‌نجه‌كێ كورد خواست ژنه‌كا عه‌ره‌ب ژ خه‌ندقينێ رزگاربكه‌ت ئه‌وژى خه‌ندقى
ئه‌ڤرۆنيوز، بارزان مزوورى
ل رووباره‌كى ل نێزيك گونده‌كێ ب سه‌ر رواندوزێ ڤه، ژنه‌كا گه‌شتيار يا عه‌ره‌ب خه‌ندقى وكه‌نجه‌كێ كورد كو خه‌لكێ ده‌ڤه‌رێ بوو ل ده‌مێ بزاڤا رزگاركرنا وى كرى ئه‌وژى خه‌ندقى.
رائید (هه‌وار ئه‌رگووشى) به‌رپرسێ راگه‌هاندنا پۆلیسێن قه‌زا سۆران بۆ ئه‌ڤرۆنیوز گۆت” ئه‌ڤرۆ ئێكشه‌مبى 17/6/2018 ب وێ روودانێ هاتينه ئاگه‌هداركرن كو خێزانه‌كا عه‌ره‌ب يا به‌غدا ب مه‌ره‌ما گه‌شتوگوزارێ هاتينه ده‌ڤه‌رێ وژنه‌كا وێ خێزانێ كه‌فتيه دئاڤێ دا وهه‌ر وى ده‌مێ گه‌نجه‌كێ كورد ژ خه‌لكێ ده‌ڤه‌رێ ب ناڤێ (جه‌بار سه‌عه‌د) كو ژیێ وى 21 سال بوو، خواستيه وێ ژنێ رزگاربكه‌ت وژبه‌ركو نه‌شیایه دئاڤا رووبارى دا كونترۆل بكه‌ت هه‌ردو دناڤ ئاڤێ دا خه‌ندقین”.
دياركر ژى” ته‌رمێ وێ ژنێ هاتيه ديتن وتيمێن ب سه‌ر به‌رگريا شارستانى ڤه يێ ل دووڤ ته‌رمێ وى گه‌نجى دگه‌ريێن”.