گوهۆڕینا ڕاهێنەران كارتێكرنێ ل سەر یاریزانی دكەت
نەهلا ئەحمەد
د جیهانا نوكە یا وەرزشێ دا ب تایبەت ئەگەر ئەم بەحسا یارییا فوتبۆلێ بكەین هەر دەمەكێ ئەنجامێن یانەیەكێ د باش نەبن ئێكسەر پشتەڤان دێ گازندەیان ژ ڕاهێنەری كەن و داخوازا گوهۆڕینا ڕاهێنەری كەن، ئەگەر بهێت و ڕاهێنەرێ خودان شیان ژی بیت و ڕاهێنەرەكێ خۆدان سەربورەكا باش ژی بیت دێ كەفیتە ل بن گڤاشتنێن پشتەڤانان ڤە، لێ ئەگەر ئەم بەحسا خالەكا دی بكەین كو ئەگەر ڕاهێنەر بهێتە گوهۆڕین ئەوچەندە دێ بیتە ئەگەرێ هندێ كو ئاستێ یاریزانان ژی بەر ب لاوازبوونێ بچیت، ئەرێ مانە یا گرنگە بەری هەر گرێبەستەكێ ل گەل ِراهێنەرەكی بهێتە ئیمزاكرن ئێدارەیا یانەیێ دووڤچوونا ئاست و ئەنجامێن وی ڕاهێنەری بكەت و هەر پێزانینەكێ ل سەر وی كۆمڤە بكن ، ئەرێ یا ڕەوایە بتنێ ڕاهێنەر دەهـ یارییان برێڤە ببەت و دووڤدا بهێتە گوهۆڕین بێ هەبوونا پلان و پرۆژەیەكێ دیاركری؟ مانە ئەڤە ژی كارتێكرنەكا هەرە مەزن ل سەر ئاستێ یاریزانان و حەتا كارتێكرنێ ل پشتەڤانیا پشتەڤانان ژی دكەت بەرانبەر یانەیێن وان، مانە یا گرنگە ئەوە هەر یانەیەكێ لژنەیەك هەبیت دووڤچوونا ڕاهێنەری بكەت! ڕەوایە ئەو ڕاهێنەرە ستافێ خۆ ل گەل خۆ بینیت بێ دووڤچوون! ئەرێ ئەو ستافە كەسێن شارەزانە د یاریێن فوتبۆلێ دا؟ ئەرێ ئەو راهێنەرێ یاریزانان ل گەل خۆ دئینیت دێ شێت ل وی كەشو هەوایی دا یاریێ كەت ئەو خولا كو یاری دهێتە ئەنجامدان بۆ نموونە خولا ئیراقێ، ئەرێ ما یا ڕەوایە ڕاهێنەرەك ب كوژمەیەكێ گەلەك باش بهێت و گرێبەستەكێ ئیمزابكەت و لدووف دا بێژیت دێ گرێبەستا خۆ هەلوەشینم ب هەر بەهانەیەكا هەبیت مانە ئەڤە دبیتە بێ بوهاكرنا یانەیێ مانە دبیتە ئەگەر یاریزان ژی یانەیێ ب خەم ڤە وەرنەگرن، ئەگەر ئەم بهێن و بەحسا خالەكا دی یا هەرە گرنگ بكەین كو ئەوژی ئێدی ئەو دەمە هاتیە كو مەژی ڕاهێنەرێن خومالی هەبن ئانكو ئێدی ئەم دەمی بدەینە كەسێن بسپور یێن وەرزشڤان و یاریزانێن فوتبۆلێ یێن ئێدی باوەرنامەیێن باش د برێڤەبرنا راهێنانان و یانەیان دا هەین كو ئەو ل جهێ ڕاهێنەرەكێ بیانی ببیتە ڕاهێنەرێ یانەیا باژێرێ خۆ ، ئەگەر ئەم بێژین ئەرێ ما گەلەك گوهۆرینا ڕاهێنەران ژ نەزانین و نەبوونا كەسێن بسپور د ورەرزشێ دا ل باژێرێ مە نینن یا كێمن مانە ئەڤە كێماتیە بۆ كەسێن وەرزشڤان كو دناڤبەرا 10 بۆ 12 یارییان دا راهێنەر بهێتە گوهۆڕین مانە ئێدی دەم هاتینە لژنەیێن بسپور بریاریێ د ئینانا راهێنەر و حەتا یاریزانان ژی دا بكەن؟.
