گڤاشتنا ره‌ڤه‌ندا تورك ل ئه‌لمانیا بڕیارا هاریكاریان راوه‌ستاندن
ئه‌ڤرۆ نیۆز، ناجی به‌ده‌ل:
وه‌زاره‌تا به‌ره‌ڤانیا ئه‌لمانیا راگه‌هاند:به‌رلین دێ دوماهیكێ ب پرۆسیسا گه‌هاندنا چه‌ك و ته‌قه‌مه‌نیان بو هه‌رێمێ ئینیت كو 1465 ته‌نێن كه‌ل و په‌لێن سه‌ربازی ره‌وانه‌كر بون ژ وان ژی 30 هه‌زار چه‌كێ دژی تانكان میلانو و 240 موشه‌كێن بانزر فاوست و 10 هه‌زار بومبێن ده‌ستی و 16 هه‌زار چه‌كێ ئوتوماتیكی داینه هه‌رێمێ.
محسن عوسمان ئه‌ندام په‌رله‌مانێ عیراقا فیدرال و به‌ریا نها چه‌ندین سالا ئامنجیێ وه‌لاتێ ئه‌لمانیا بو ئه‌ڤرۆ نیوز راگه‌هاند: نه ئه‌گه‌رێ بێ شیانێن ئه‌لمانیایه چونكو ئه‌لمانیه ده‌وله‌ته‌كا پێشكه‌فتیا پیشه‌سازی یه دیرۆكا ئه‌لمانیا بخوینیت كارتێكرنا ره‌ڤه‌ندا تورك وه‌ك دپلوماسی و سیاسی ل ئه‌لمانیا پشتی شه‌رێ جیهانیێ دووێ هه‌بویه دڤان رۆژێن بوری دا كاریكاتوره‌ك هاتبو چیكرن ل سه‌ر ئه‌ردوغانی ل گه‌ل سه‌یه‌كی و ئه‌ڤێ چه‌ندێ هنده‌ك ناكوكی كه‌فته دناڤبه‌را هه‌ردوك وه‌زراه‌تێن وه‌لاتان دا
ئه‌ندام په‌رله‌مانێ عیراقێ ئه‌و ئیكه ژی دیاركر كو سرۆشتێ ئه‌لمانیا وه‌هایه كو توركان باندوره‌كا تایبه‌ت ل سه‌ر هه‌یه ئه‌لمان دبێژن هه‌ر كه‌سه‌كێ ب ئه‌لمانی باخفیت ئه‌لمانه و تورك ژی دبێژن هه‌ر كه‌سێ ب توركی باخفیت توركه.
ناڤبری ئه‌و چه‌ندی ژی گوت په‌رله‌مانی ئه‌لمانێ دستورێ عیراقی دانپێدانكریه كو هه‌رێمه‌ك هه‌یه ناڤێ وێ كوردستانه و سه‌ربه‌خویه و ئالایه‌كێ فه‌رمی هه‌یه هه‌تا نها ئه‌لمانیا دبێژیت باكوری عیراقێ .
محسن عوسمان ئه‌ندامن په‌رله‌مانێ عیراقێ بو دیتنا به‌دیله‌كێ دی یێ هاریكرایكرنێ بو هه‌رێمێ گوت بهێزیا ره‌ڤه‌ندا ئه‌رمه‌ن ل فه‌ره‌نسا و باندوره ل سه‌ر فه‌ره‌نسا هه‌یه هه‌مبه‌ر توركان دڤێ قوناغێ دا هاریكاری و تێكه‌لیا فه‌رنسا ل گه‌ل كوردان ژلایێ مرۆڤی و سیاسی پتر هاریكاریا كوردان كریه به‌دیل بو كوردان فه‌ره‌نسایه و ئه‌مریكا و لایه‌نگرێن وێ له‌ورا خورتكرنا په‌یوه‌ندیان بهیزكرنا ره‌ڤه‌ندا كوردی ژی ل ئه‌وروپا بو چاره‌كرنا ئاریشه‌یێن خو چ ل گه‌ل داعشی و به‌غدا.