گۆره‌كێ ب كۆم يێ كوردێن ئێزدى هاته ديتن
ئه‌ڤرۆ نيوز:
گۆره‌كێ ب كۆم كو پتريا وان ژن و زارۆ و گه‌نجن، ل نێزيك باژێركێ ئه‌سكى مووسل ل رۆژئاڤايێ پارێزگه‌ها نه‌ينه‌وا هاته ديتن.
خه‌يرى بۆزانى رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ بۆ ئه‌ڤرۆ نيوز گۆت: “دو رۆژان به‌رى نوكه ل گۆندێ جه‌زعه يێ سه‌ر ب باژێرێ مووسل گۆره‌كێ ب كۆم كو هه‌موو ته‌رمێن وێ ژ پێكهاتا ئێزدى بوون هاته ديتن”.
زێده‌تر گۆت: “ئه‌ڤ كه‌سێن د ڤى گۆرێ ب كۆم دا كو ژمارا وان نێزيكى 75 كه‌سان بوون ژ لايێ چه‌كدارێن داعش ڤه هاتينه گۆله‌بارانكرن و پێپشبينى دهێته كرن ل ده‌مێ ره‌ڤينێ هاتبنه ده‌سته‌سه‌ركرن. د ناڤ ڤى گۆرى دا، 33 زارۆ و 20 ژنن و ئه‌ڤێن دژى گه‌نج و ب ناڤ سال ڤه چووينه”.
گۆندێ جه‌زعه رێيا ناحيا بادوش و ئه‌سكى مووسل پێكڤه گرێدده‌ت و دكه‌ڤيته رۆژئاڤايێ باژێرێ مووسل يێ سه‌ر ب پارێزگه‌ها نه‌ينه‌وا ڤه.
