گۆڕانێ ھەلویستێ خوە ل بارا چارەسەرکرنا ئاریشێن نافخوە راگەھاند
ئەڤرو نیوز:
بۆ ئێکەم جار پشتی وەغەرکرنا نەوشێروان موستەفا تەڤگەرا گۆڕان راگەھاندنەک بەلاڤکر و تێدا دیار دکەت کو گۆڕان دێ وەکو خوە مینیت ڤە و بەرھەڤن لسەر بەمایێ رێزگرتن ل قانون و ئیرادا خەلکێ کوردستانێ دانوستاندنێ لسەر پرسێن نافخوی بکەن.
ئێڤاریا ئەڤرۆ پشتی دوماھی ھاتنا رێورسمێن بەھیا ” نەوشێروان موستەفا ” رێکخەرێ گشتیێ وەغەرکریێ تەڤگەرا گۆڕان ، ” موستەفایێ سەدی قادر ” ھەلسوراوێ تەڤگەرا گۆڕان راگەھاندنەک بەلاڤکر و د راگەھاندنێ دا دبێژیت: (گۆران َوەکو چەوا نەوشێروان نەخشە بۆ کێشایی دێ مینیت ڤە و ئەمانەت و پەیام و ئارمانجێن گۆران دی َوەکو بیبیکا چاڤێن خوە پارێزین و رۆژ بۆ روژێ ژی بەر ب پێشڤە چیت و د پێناڤا بەرنامەیێ سیاسی و مەدەنی دێ درێژیێ ب ئارمانجێن خوە دەین ، سوپاسیا ھێزێن ئەمنی و دام و دەزگەھان و نوونەرێن لایەنێن سیاسیێن ھەرێمێ و پارچەیێن دن یێن کوردستان و عیراقێ و وەلاتیان و دەزگەھێن راگەھاندنێ دکەین کو ب ئێکسەر و نە ئێکسەر پشکداری د بەھیا نەوشێروان موستەفایی بوین )
موستەفایێ سەدی قادر دراگەھاندنێ دا زێدەتر دبێژە: (ب ھزرا مە وەکو تەڤگەرا گۆڕان چارەسەرکرنا ئاریشەیێن نافخوە لسەر بنەمایێ ھەڤسەنگی و رێزگرتن ل ئیرادا خەلکی و وەلاتیان و سەروەریا قانونێ و دامەزراوەیێن دەولەتێ رێیا درۆست و پالدەرێ ب ھێز یێ ب دەستڤەئینانا داخوازیێن مەیە و لسەر ئەڤی بنەمایی ژی تەڤگەرا گۆڕان بەرھەڤێ چارەسەرکرما ئاریشەیانە و ھەڤکارە)
ل بارا نەوشێروانی ژی گۆت: (ئەم خودانیا نەوشێروانی بو ھەموو ولاتیان و کوردستانێ دزڤرینین ، و ئەرکێ تەڤگەرا گۆڕانێ و گۆڕانخوازان ژی ئەوە کو تایبەمەندیێن سەرکردایەتی ل بەرچاڤ وەربگریت و بپارێزیت و ھەر ب مەزناتی بھێلیت )
دھێتە زانین کو رۆژا ١٩ ئەڤێ مەھێ شورەش حاجی ئاخفتنکەرێ تەڤگەرا گۆڕان نوچەیێ وەغەرکرنا نەوشێروان موستەفا رێکخەرێ گشتیێ تەڤگەرا گۆڕان ل کەنالێ فەرمیێ گۆڕان بەلاڤکر.
