گۆڕان داخوازا جێگرەکێ سەرۆکێ ھەرێمێ دکەت
ئەڤرۆنیۆز:
ژێدەرەکى بۆ ئەڤرۆ نیوز راگەھاند کو د کۆمبوونا ئەڤرۆ یا ھەر پێنج لایەنێن سیاسی دا ئەوا ل سلێمانيێ ھاتیە کرن، پارتی دیموکراتی نەرمی نیشاندایە و رازیبوویە کو دانوستاندن ل سەر کێمکرنا دەستھەلاتێن سەرۆکێ ھەرێمێ بھێنە کرن، لێ د ھەمان دەم دا تەکەستی ل سەر وێ چەندێ کریە کو سەرۆک راستەوخو ژ لایێ وەلاتیان ڤە بھێتە ھەلبژارتن نەک برێیا پەرلەمانی.
ل گور وی ژێدەری بزاڤا گۆڕان د دانوستاندنان دا داخواز کریە کو جێگرەکێ دی ژی بۆ سەرۆکێ ھەرێمێ بھێتە دانان ئانکو سەرۆکێ ھەرێمێ دو جێگر ھەبن کو یێ دووێ ل دووڤ ئیستیحقاقێ ھەلبژارتنان بەھرا گۆڕان بیت، لێ پارتی رازیبوونا خو ل سەر ڤێ چەندێ دیار نەکریە و دایە زانین کو فەرە سەرۆکێ ھەرێمێ ب تنێ ئێک جێگر ھەبیت.
