گۆھورین دێ د سیستەمێ مووچێ ڤێ ھەیڤێ دا ھێنەکرن
ئەڤرۆ نيوز:
بریارە د ڤێ ھەیڤێ دا مووچێ ھێزێن پێشمەرگەی ژ لایێ ئەمریکا ڤە بھێنەدان، نوکە چەند پێشنیارەک لبەر دەستن بۆ دەستکاریکرنێ د مووچی َفەرمانبەران دا.
ل دووڤ وان زانیاریێن NNA بەلاڤکرین ل گۆرەی رێککەفتنا دناڤبەرا ئەمریکا و ھەرێمێ دا، ئەمریکا ھەیڤانە دێ مووچێ پێشمەرگەی دابین کەت، ژ بەر ڤێ چەندێ فەرمانبەر چاڤەرێ حوکمەتێنە دڤێ ھەیڤێ دا پێداچوونێ د خشتێ مووچێن وان دا بکەت، کو دەستکاری د وێ پاشەکەوتی َدا بھێتەکرن، دیار کر ژی کو پێشنیارەکا ب ھێز ھەیە کو حوکمەت پارێ پێشمەرگان ل سەر خانەنشینێن ھەرێمێ دابەش بکەت، ئانکو ئەو پارە وەکو پەخشین بۆ وەزارەتا پێشمەرگە بھێتە بکارئینان.
ژێدەری گۆتژی “د ماوێ رابردودا نێچیرڤان بارزانی سەروکێ حوکمەتا ھەرێمێ راگەھاند بۆ کو ئەمریکا دێ مووچێ پێشمەرگان یێ ھەیڤا ھەشت ھنێریت، ھەڤدەم سەروکێ حوکمەتێ دیار کر بۆ کو ھەر دەستکاریەکا د خشتێ مووچێ فەرمانبەران دا بھێتەکرن دێ گرێدای بیت ب زێدەبوونا داھاتێ ھەرێمێ ڤە”.
