گەفێن کوشتنێ ل بەربژارەکێ پارتی دھێنەکرن
ھەولێر، قائید میرۆ:
رۆژانە ل سلێمانیێ ھێرشێن جوراوجور ل سەر بەربژارێن لیستا پارتی دیمۆکراتی کوردستان دھێنەکرن.
کارزان سەباح، بەربژارێ لیستا 184 یا پارتی ل پارێزگەھا سلێمانیێ بۆ رۆژناما ئەڤرۆ گۆت: “چەندین نامە گەھشتینە من و گەفێن کوشتنێ لمن دھێنەکرن، بەلێ مخابن ھێزێن ئەمنی و لایەنێن پەیوەندیدار ل ھەمبەر ھێرشێن ل سەر بەربژارێن پارتی دھێنەکرن گەلەک د خەمسارن، چونکی رۆژانە ئەم دبینین بانگەشە بۆ حەیدەر عەبادی و ھەموو لیستێن دی ب ئازادی دھێتەکرن، ب تنێ ھێرش ل سەر پارتی ھەیە، ئەڤە ژی بۆ مە جھێ پرسیارێ یە، ھەروەسا دڕاندنا پۆستەرێن پارتی ل بەرچاڤێن ھێزێن ئەمنی نیشانا وێَ چەندێ یە ئەڤان ھێزان پێخوەشە”.
