گەلەک روونشتن مرۆڤی تووشی نەساخیەکا مه‌ترسیدار دکەت
ئەڤرۆ نیوز ، زنار تۆڤی:
د ڤەکۆلینەکێ دا کو ل ئه‌مریكا هاتیە ئه‌نجامدان، تێدا ده‌ركه‌فتیه، کو هەکە مرۆڤ گەلەک ب روونیت دێ كاریگه‌ریەکا نه‌رێنێ ل سه‌ر مەژی دروست کەت و دێ بیتە ئەگەرێ هندێ کو مرۆڤ تشتان ژبیر بکەت.
ئەو ڤەکۆلینە ل زانكۆیا كالیفۆرنیا ل سه‌ر هژماره‌کا زۆر یا خه‌لکێ هاتیە ئەنجامدان، کو ژیێ وان دناڤبەرا 45 بۆ 75 سالیێ دا بوویه و دەمێ روونشتنێ ژ 3 بۆ 15 دەمژمێران دانا بوو، د ئه‌نجامێ وێ ڤەکۆلینێ دا ده‌ركه‌فتیه کو دەمێ روونشتنێ گەلەک كاریگه‌ریێ ل سه‌ر مەژی دروست د‌كه‌ت.
لدووڤ ئه‌نجامێن وێ ڤەکۆلینێ، ئه‌و كه‌سێن گەلەک د روونن زێدەتر تشت ژ بیرا وان دچن و مه‌ترسیا توشبوونێ ب ژبیرکرنێ و خەله‌فانێ و ئه‌لزه‌هایمه‌رێ ل دەف وان زێدەتر دبیت.
