گەنجەکێ گوندێ کۆچۆ کوشتنا 13 هەڤالێن خوە ئاشکەرا دکه‌ت
ئەڤرۆ نیوز،باسم قاسم شنگالی:
ل دەما هێرشا داعشێ بۆ سەر شنگالێ دا ل 3/8/2014 ب هزاران هاتنەگرتن و کوشتن و دەربەدەرکرن و ئاوارەبوون بتایبەتی ل ئەوێ هێرشێ دا داعشێ بتر ژ شەش هەزار ئێزدی رەڤاندن ودەستەسەرکرن ل زیندانێت خوە دا و گەنج و کچ و ژن ژ هەڤ ڤەقەتاندن و هەر هندەکان بۆ جهەکی دی ڤەگوهاستن
سەیڤ وعداللە مەتۆ خەلکێ گوندێ کۆچۆیە ل 15/8/2014 ل دەما گوندێ کۆچۆ هاتیە کۆمکوژیکرن و ب سەدان ژ گەنجێن وی گوندی دەستەسەرکرین ئەو ژی هاتبووە دەستەسەرکرن ژلایێ تیرۆرتسێن داعشێ ڤە و داعشێ ئەو رەوانەی مەشق و راهینانێ کربوو دا کو پشکداریێ د شەری دا بکەت
سەیڤ ل رێکەفتی 27/3/2017 ژ دەستێ داعشێ هاتە رزگارکرن و نۆکە ئاکنجی یە ل وەلاتێ کەندا بۆ ئەڤرۆ نیوز دا زانین، ل دەما ئەز دناڤ دەستێن تیرۆرستێن داعشێ دا و ژمارەکا مەزن یا گەنج و زارۆیێن ئێزدی دگەل من رۆژانا ئەو گەنج و زارۆ رەوانەی شەری دکرن دگەل وان هێزێن شەر دگەل داعشێ دکرن ئەوی کوشتنا 13 هەڤالێن خوە
پشت راستکر و ناڤێن وان بەلاڤکرن
ناڤ و ناسناڤێن کوشتیە د ئەوان هێرشان دا
1- ئه‌بو عەباس ناڤێ درست،سەباح خەلکێ تەلبەنات
2-ئه‌بو جەمال ناڤێ درست شێروان
3-ئه‌بو عومەر ناڤێ درست هادی خەلکێ خانەسۆرێ
4-ئه‌بو عەبداللە ناڤێ درست خدر خەلکێ سۆلاغ
5-ئه‌بو عبد الرحمان ناڤێ درست،حەواس خەلکێ سۆلاغ
6-ئه‌بو خەتاب ناڤێ درست یاسر خەلکێ سۆلاغ
7-ئه‌بو هاجر ناڤ نەهاتیە زانین خەلکێ خانەسۆرێ کەسەکی نێزیکی هادی ژ خانەسۆرێ
8-ئه‌بو رەقیە ناڤ و جهـ نەهاتینە زانین د هێرشەکێ دا ل سنۆرێ تورکیا هاتە کوشتن
9-ئه‌بو مسعب ناڤ نەهاتیە زانین خەلکێ تەل قەسەب
10-ئه‌بو مەحمەد ناڤێ درست جاسم خەلکێ گوندێ کۆچۆ
11-ئه‌بو بیلال ناڤێ درست سەباح ل حەلەبێ هاتە کوشتن
12-ئه‌بو خەتاب ناڤێ درست ئەسعەد خەلکێ تەل قەسەب ئەوی خوە پەقاند
13-ئه‌بو یوسف ناڤێ درست ئەمجەد خەلکێ تەلقەسەب وی خوە پەقاند
بۆ زانین وێنەیێ پێنچ گەنجان ژ ئەوان ئەویێن خوە ب هێزێن عیراقێ و کوردستانێ ڤە پەقاندین
