گەندەلی د پارێ ئاواران دا ھاتیە کرن

ئەڤرۆ نیوز:
بڕیاردەرێ لژنا ئاواران ل جڤاتا نوونەرێن عیراقێ دیار کر، ھەتا نوکە ل ھەرێما کوردستانێ پتری 55 ھزار خێزانێن ئاوارە ھاریکاریا ملیۆن دیناری وەرنەگرتیە، کو 20 ھزار خێزان ژ وان یێن سنوورێ پارێزگەھا دھۆکێ نە.
سالم جومعە، بڕیاردەرێ لژنا ئاواران ل جڤاتا نوونەرێن عیراقێ ئاشکرا کر، ئەو پارێ حوکمەتا عیراقێ بۆ ئاواران تەرخانکری وەکو ھاریکاری، خەلەت دھێتە بکارئینان بۆ مالپەرێ فەرمیێ پارتی دیموکراتی کوردستان گۆت: “ھەتا نوکە 20 ھزار خێزانێن ئاوارە ل سنوورێ دھۆکێ و پێنج ھزاران ل ھەولێرێ و 30 ھزاران ل سنوورێ کەرکووکی ئەو ھاریکاریا ملیۆن دیناری وەرنەگرتیە”.
گۆتژی: “د ڤان رۆژێن بھێن دا ڤی بابەتی د گەل وەزارەتا دارایی یا عیراقێ بەحس کەین، دا کو زوو ئەو ھاریکاریا ملیۆن دیناری ل سەر وان ئاواران بھێتە بەلاڤکرن”.
خویا ژی کر، ھەتا نوکە حوکمەتا عیراقێ چ ھاریکاری پێکێشی ئاواران نەکرینە و گۆت: “ئەو لژنا حوکمەتا عیراقێ ب سەرۆکاتیا سالح موتلەگ بۆ ھاریکاریا ئاواران پێکئینای، گەلەک گەندەلی د پارێ ئاواران دا کریە و کۆژمەکێ زۆرێ پارەی یێ دیار نینە”.

کۆمێنتا تە