ھاریکارێ سەرۆک کۆمارێ ئیرانێ: عیراق پشکەکە ژ ئیرانێ
ئەڤرۆ:
ھاریکارێ سەرۆک کۆمارێ ئیرانێ راگەھاند کو د بیاڤێ کەلتوری و زمانی و گەلەک تشتێن دیتر دا عیراق پشکەکە ژ ئیرانێ و نھا مەترسیا تیرۆرێ ل سەر وی وەلاتی زێدە بوویە و ژ بەر ھندێ ئەم ھاریکاریا عیراقێ دکەین و مە نەڤێت کو عیراق بکەڤیتە دەستێ ئۆسمانیێن نوو و ژ بەر ھندێ ژی مە ل عیراقێ شەھید داینە و دێ ھێشتا ژی دەین.
عەلی یونسی ھاریکارێ سەرۆک کۆمارێ ئیرانێ د کۆمبوونەکێ ل گەل قۆتابیێن زانکۆیا تەھرانێ ئاخڤی و دیار کر کو ئەڤرۆکە مەترسیا ھشکباوەر و تیرۆرستان ل عیراقێ زێدە بوویە و ئەو مەترسی بەر ب وەلاتێ مە ژی دھێت و ژ بەر ھندێ ئەم ل عیراقێ شەرێ وان دکەین دا کو وەلاتێ خوە ب پارێزین و گۆت: (نھا ژ بلی داعشێ مەترسیا ئۆسمانیێن نوو ژی ل سەر ھەرێما رۆژھەلاتا ناڤین ھەیە، یێن کو دبێژن بۆچی ئیران ھاریکاریا عیراقێ دکەت ئەو بۆچی بخوە ھاریکاریا عیراقێ ناکەن، چونکو وان دڤێت داعش عیراقێ وێران بکەت و خەلکێ وێ ژناڤ ببەت دا ئەو ژی بھێن و بنەمایێ ئۆسمانیا نوو ئاڤا بکەن، بەس ئەم ڤێ یەکێ قەبوول ناکەین و دێ ب توندی دژبەریا وان پرۆژان بکەین).
ھاریکارێ سەرۆک کۆمارێ ئیرانێ د پشکەکا دی یا ئاخڤتنا خوە دا ب رەنگەکێ ئاشکرا دیار کر کو عیراق نھا پشکەک ژ ئیرانا مەزنە و ئەم دێ بەرەڤانیێ ژێ کەین و ناھێلین بکەڤیتە دەستێ کۆمەکا مرۆڤێن تیرۆرست و درندە و عیراق د بیاڤێ جوغرافی و کەلتوری دا پشکەکە ژ ئیرانێ و خەلکێ عیراقێ ژی دخوازن ئەم خوەدان ژ وان دەربکەڤین و ھەکە ئەم نھا ڤێ یەکێ نەکەین دێ کاریگەریا ئیسرائیل و ئۆسمانیێن نوو ل سەر وی وەلاتی و ب گشتی ھەرێمێ زێدە بیت و ئەڤە ژی دێ زیانێن مەزن گەھینتە مە و ژ بەر ڤێ یەکێ ئەم نھا ھاریکاریا عیراقێ دکەین دا ئەو وەلاتە ژ دەستێ وان ھێزان بھێتە پاراستن.
٢٨ ھەولێرێ و ٣٧ سلێمانی و ٢٨ دھۆک، ھەروەسا ٤٧ ئافرەتێن راگرتی ژی یێن ل ھەرێما کوردستانێ ھەین و گۆت: پتریا ئافرەتێن د چاکسازیێن ھەرێما کوردستانێ دا بیانی نە و یێن ھەرێمێ کێم تێدا ھەنە).
