ھشیار زێباری: ھەیڤانە 600 ملیۆن دۆلار بۆ لەشکرێن ئاشۆپی دھێنە مەزاختن
ئەڤرۆ نیوز:
وەزیرێ دارایێ عیراقێ ھوشداری ژ ھەبوونا ڕەوشەکا دارایی یا گەلەک ب زەحمەتتر ژ ھەر ڕەوشەکا ھەڤشێوێ وێ یا بەری نوکە و دیارکر کو دێ ھندەک پێرابوونێن نوو ھێنە وەرگرتن، ئاشکراکر ژی کو حوکمەتا عیراقێ 500 ھەتا 600 ملیۆن دۆلاران ھەیڤانە ددەتە سەربازێن چو ھەبوونا خوە نەی.
ھوشیار زێباری وەزیرێ دارایێ عیراقێ بۆ رۆژناما (گاردیان) یا بریتانی گۆت” عیراق یا گەھشتیە ڕێژا ڕێ پێدای یا قەرێ ناڤخوەیی، ئەم دخوازین ئێدی پشت بەستنێ ب پەترۆلێ ب تنێ نەکەین، بزاڤێ ژی دکەین خەلکی بۆ گۆھۆڕینێ بەرھەڤ بکەین و ھندەک پێرابوونان وەرگرین”.
ل دووڤ شەفەق نیۆز، ڕیژا فەرمانبەرێن عیراقێ ل گەل ھژمارا ئاکنجیان دھێتە ھژمارتن مەزنترین ڕیژە (ھەفت ملیۆن فەرمانبەر بۆ 21 ملیۆنان)، بدیتنا ھوشیار زێباری، پتریا گەندەلیا ڕێکخستی دڤێ چەندێ دایە و ئاریشا ھەرە مەزن یا مە د سەربازێن وەھمی دایە کو ھەیڤانە 500 ھەتا 600 ملیۆن دۆلار دھێنە خەرجکرن بۆ سەربازێن چو ھەبوونا خوە نەی.
