ھێزێن عیراقی بەرەیێ راست يێ شەرگات کونترۆلکر و گەھشتنە سەر رووبارێ زاب
ئەڤرۆ نیوز ، نەوزاد ھلۆری:
ھێزێن پولیسێن فیدراڵی ب ھەڤکاریا ھێزێن دن یێن عیراقی بەرەیێ راست یێ شەرگات ب تمامەتی کونترۆلکر د چارچوڤێ کونترۆلکرنا قەزا حەویجە و باشوورێ رۆژئاڤایێ کەرکوکێ دا ، و گەھشتنە سەر رووبارێ زاب.
فەریق رائید جەودەت شاکر فەرماندەیێ پۆلیسێن فیدرالیێن عێراقێ بو ئەڤرۆ نیوز گۆت: (د چارچوڤێ کونترۆلکرنا قەزا حەویجە و باشوورێ رۆژئاڤایێ کەرکوکێ ، و د قوناغا ئێکێ و دوویێ و سێیێ یێن پێشڤەچوونێن ھێزێن عیراقی ، سوپاس بو خودێ شیاین ئێڤارە درەنگی یا ئەڤرۆ ھەموو بەرەیێ راست یێ شەرگات کونترۆل بکەین و بگەھینە سەر رووبارێ زاب ” زێی مەزن”)
زێدەتر گۆت: ( پێشرەویێن ھێزێن عیراقێ بەردەوامن ، شیاینە د ماوەیێ دوو رۆژێن بوری دا زێدەتری 250 چەکدارێن داعش بکوژین و دەست ب سەر زیندانەکا داعشێ دا بگرن کو 14 کەس تێدابوون ، ئەڤە زێدەباری دڤی ماوەیی دا شیاینە 24 ترومبێلێن بومبەکریێن داعش ژ ناڤ ببەن و دەست ب سەر 171 جور و شێوە و ھژمارا چەک و تەقەمەنیێن دن ژی بگرن)