ھێزێن عیراقی 41 گوندێن شەرگات کونترۆلکرینە
ئەڤرۆ نیوز ، نەوزاد ھلۆری:
ھێزێن پولیسێن فیدراڵی ب ھەڤکاریا ھێزێن دن یێن عیراقی ھەتا نھا ٤١ گوندێن بەرەیێ راست یێ شەرگات کونترۆلکرینە د چارچوڤێ کونترۆلکرنا قەزا حەویجە و باشوورێ رۆژئاڤایێ کەرکوکێ.
فەریق رائید جەودەت شاکر فەرماندەیێ پۆلیسێن فیدرالیێن عێراقێ بو ئەڤرۆ نیوز گۆت: (د چارچوڤێ کونترۆلکرنا قەزا حەویجە و باشوورێ رۆژئاڤایێ کەرکوکێ ، و د قوناغا ئێکێ و دوویێ و سێیێ یێن پێشڤەچوونێن ھێزێن عیراقی ل بەرەیێ راستێ شەرگات ٤١ گوند ھاتینە کونترۆلکرن و ٢٢٤ چەکدارێن داعش ژی ھاتینە کوشتن)
زێدەتر گۆت: ( پێشرەویێن ھێزێن عیراقێ شیاینە ب رووبەرێ ٤٨٠کم چوارگوشە بچنە پێشڤە و کونترۆل بکەن ، ئەڤە زێدەباری دڤی ماوەیی دا شیاینە ٢٤ ترومبێلێن بومبەکریێن داعش ژ ناڤ ببەن و دەست ب سەر ١٧١ جور و شێوە و ھژمارا چەک و تەقەمەنیان بگرن)