ھێزەکا کوردی و پاسدارێن ئیرانێ ب شەر چوون
ئەڤرۆ نیوز:
ل نێزیک باژێرێ سنە یێ رۆژھەلاتێ کوردستانێ، شەر د ناڤبەرا ھێزەکا کوردستانی و پاسدارێن ئیرانێ دا روودا.
ب گۆرەیی مالپەرێ ھەنگاو دوھی ب شەڤ ل گۆندێ نەوەرە ل نێزیک باژێرێ سنە، شەرەکێ گران د ناڤبەرا ھێزەکا کوردستانی و پاسدارێن ئیرانێ دا روودا.
ب گۆرەیی پێزانینان، پشتی شەری پاسداران ئەو دەڤەر دا بەر تۆپان و زیانەکا مەزن گەھشتی زەڤی و باغێن وەلاتیان.
ھەتا نوکە نەھاتیە زانین کا ئەو ھێزا کوردستانی گرێدایی کیش پارتیا رۆژھەلاتێ کوردستانێ بوویە و پاسداران ژی چو پێزانین ل سەر وی شەری بەلاڤ نەکریە.