ھێمن ھەورامی: پارتی دێ نەخشێ سیاسی و تەوافوقێ گوھۆریت
ئه‌ڤرۆ نيوز:
ئەندامەکێ سەرکردایەتیا پارتی دیموکراتی کوردستان راگەھاند، نەیارێن پارتی دێ شکەستنێ ئینن د دووماھی کارتێن خوەدا بەرامبەر پارتی و پشتی ١٩ تەباخێ پارتی دێ ئاخڤتنا خوە ھەبیت و دێ نەخشێ سیاسی و تەوافوقێ گوھۆریت.
ھێمن ھەورامی ئەندامێ سەرکردایەتیا پارتی و بەرپرسێ پەیوەندیێن دەرڤە یێن پارتی د کورەکێ ڤەکری دا ل بارەگایێ لقێ ١٦ یێ پارتی گوت” دەستھەلات ل ھەرێما کوردستانێ ل سەر بنەمایێ سازانێ و تەوافوقا سیاسی یا ھاتیە دارێشتن، لەوما ل دەرڤەی ڤێ سازانێ چو تشتەک جھێ قەبوول کرنێ نینە، چونکی ئەو قەبارا لایەنان دناڤ دەستھەلاتێن ھەرێمێ دا ھەی ب زۆرینە و کەمینە نەھاتیە تەشبیھکرن ھەتاکو قانوونێن گرنگ ب کەمینە و زۆرینە دەرباز بکەن” دووپات کر ژی” پشتی ١٩ تەباخێ پارتی دێ ئاخڤتنا خوە ھەبیت و نەخشێ سیاسی و تەوافوقێ دێ ھێتە گوھارتن”.